2023 jyldyń jazyna arnalǵan boljamǵa sáıkes, respýblıkanyń basym bóliginde temperatýralyq fon normadan joǵary, tek soltústik oblystarda klımattyq norma sheginde bolady dep boljandy.
«Qazaqstannyń soltústik-batys jáne soltústik-shyǵys jartysynda frontaldy bólikterdiń ótýimen jáne soltústik teńizder aımaqtarynan sýyqtyń bólikteriniń kelýimen aýa temperatýrasy kúndiz +30+38°S-tan +15+20°S-qa deıin qubylady. Sonymen qatar respýblıkanyń ońtústik-batys jartysynda keı kúnderi termometrler +40+45°C-qa deıin jetedi», delingen «Qazgıdromet» RMK habarlamasynda.
Maýsym aıynda respýblıkanyń basym bóligi ystyq bolady, aýanyń ortasha aılyq temperatýrasy respýblıkanyń basym bóliginde normadan 1-2° joǵary, respýblıkanyń soltústiginde, soltústik-shyǵysynda, shyǵysynda, ońtústik-shyǵysynda normaǵa (norma: Qazaqstannyń basym bóliginde +18+23°S, respýblıkanyń ońtústik-batys jartysynda +24+28°S, respýblıkanyń ońtústik-shyǵysyndaǵy jáne shyǵysyndaǵy taýly aımaqtarda +7+17°S) jaqyn bolady.
Shilde aıynda elimizdiń basym bóliginde aýanyń ortasha aılyq temperatýrasy normaǵa jaqyn, respýblıkanyń ońtústik oblystarynda normadan 1° joǵary (qalypty: oblystyń basym bóliginde +18+24°S) bolady.
Jazdyń sońǵy aıy tamyzda respýblıkanyń basym bóliginde ystyq aýa raıy saqtalady. Aýa temperatýrasy normadan 1-2° joǵary, respýblıkanyń soltústik-batys jartysynda ǵana normaǵa (norma: Qazaqstan Respýblıkasynyń basym bóliginde +20+28°S, respýblıkanyń soltústik-shyǵys jartysynda +16+ 19°S, shyǵys pen ońtústik-shyǵystyń taýly aımaqtarynda +11+15°S. respýblıka) jaqyn keledi.
Sınoptıkterdiń boljaýynsha, jazda Qazaqstannyń basym bóliginde jaýyn-shashyn az bolady.
