Konferensııada QR Qarýly kúshteriniń Memlekettik Áskerı-tarıhı mýzeıi dırektorynyń orynbasary Syrym Hasenov, Ulttyq Keńes múshesi, Ekonomıkalyq saıasat ınstıtýtynyń prezıdenti Qaırbek Arystanbekov, tarıh ǵylymdarynyń kandıdaty, Ulttyq qyzdar pedagogıkalyq ýnıversıteti qaýymdastyrylǵan professory Fakııa Shamshıdenova, saıasattaný salasynda fılosofııa doktory (PhD), «Joshy Ulysyn zertteý ǵylymı Instıtýty» dırektory Jaqsylyq Sabıtov, QR eńbegi sińgen qaıratker, pedogıka ǵylymdarynyń professory Tileýǵalı Qyshqashbaı, Taıbuǵa han jeke qorynyń qamqorshylar keńesiniń tóraǵasy Asylhan Igbaev, Tarıh jáne Qoǵamdyq ǵylymdar akademııasynyń akademıgi Jádı Shákenuly, tarıh ǵylymdarynyń kandıdaty Qalıolla Ahmetjan jáne basqa da tarıhshylar, zııaly qaýym ókilderi men BAQ ókilderi qatysty.
Qazaq memleketiniń qalyptasýyna óz tóńiregindegi kóptegen túrki ulystarynyń tikeleı jáne janama yqpaly bolǵan iri ulystardyń biri – Taıbuǵa Ulysy jáne Taıbuǵalyqtar negizin qalaǵan Sibir handyǵy jaıly tarıhı derekter otandyq tarıhshy-ǵalymdardyń nazaryn aýdaryp otyrǵany, Qazaqstan tarıhynyń ejelgi zamannan búgingi kúnge deıingi mańyzdy tarıhı murasynyń burmalanǵan tustary, osy mádenı mura boıynsha zertteýler júrgizý máselesi qaraldy.
Is-shara sońynda «TAIBUGA HAN» jeke qory keńesiniń tóraǵasy Asylhan Jumabaıuly Qazaq ulttyq tarıhyn saqtaý jáne damytý maqsatynda Taıbuǵa ulysynyń tarıhymen baılanysty sabaqtastyq áleýmettik jáne mádenı qundylyqtardyń bir urpaqtan ekinshi urpaqqa berilýi, urpaqtar jalǵasy bolyp tabylatyny, urpaqtardyń túrli tájirbıesi, genealogııalyq estafetasy kez kelgen halyqtyń rýhanı mádenıetiniń birligi men tutastyǵyn saqtaýdyń tarıhı sabaqtastyǵyn arqaý etip 2020-2023 jyldardaǵy Batys Sibirdi basqarǵan Taıbuǵa han tarıhynyń ǵylymı-zertteý qujattary men jınaqtaryn Astana qalasynyń Memlekettik arhıvine bolashaq urpaq ıgiligi úshin syı retinde tapsyrdy.
Konferensııa Taıbuǵa esimin ulyqtaý, ǵylymı aınalymǵa engizý, kóshe, eldi mekenderge, oqý oryndaryna, áskerı, sporttyq oryndarǵa atyn berý, oqýlyqtarǵa kirgizý, zertteý eńbekterin shyǵarý, t.b. syndy máselerdi sheshim retinde qabyldady.
