Sońǵy málimetterge júginsek, elimiz boıynsha AITV/JITS-tiń tirkelý deńgeıi tómendemeı tur. Bul, birinshiden, Astana qalasynda jan-jaqtan, sonyń ishinde ártúrli jaǵdaılarmen kórshi elderden bassaýǵalap kelgenderdiń shoǵyrlanýyna, ekinshiden, jastardyń beıádeptilikke salynyp, kezdeısoq jynystyq janasý kezinde saqtyq sharalaryn paıdalanbaýyna baılanysty bolyp otyr.
Osyǵan oraı Astana qalasy boıynsha AITV-nyń jynystyq jolmen juǵý deńgeıi kúrt artty, ıaǵnı 85 paıyzǵa jetti. Sonyń ishinde gomoseksýaldyq taralý ótken jyldyń birinshi toqsanyndaǵy kórsetkishpen salystyrǵanda 2 esege ósken, ıaǵnı 26 paıyzdy quraıdy. Qaýipti dertti juqtyrǵandardyń 66 paıyzy – 20-39 jas, 33 paıyzy – 40-49 jas aralyǵyndaǵylar, 11 paıyzy – 50-den joǵary jastaǵy adamdar.
Degenmen, elimizde AITV vırýsynyń aldyn alý, juqpanyń ósý deńgeıin tómendetý maqsatynda kóptegen is-sharalar júrgizilip jatyr. Medısına ǵylymy da emdeýdiń jańa ádisterin izdep qana qoımaı, osy juqpamen kúreste jańa tıimdi dári-dármekter men turmysta yńǵaıly qoldaný ádisterin engizý ústinde.
Sońǵy ýaqytta juqpany ekspress-test arqyly jyldam anyqtaý pasıentter arasynda óte qarapaıym ádis retinde keńinen qoldanylyp keledi, ári turǵyndardyń tekserilýge qyzyǵýshylyǵy arta tústi. О́ıtkeni, burynǵydaı synama nátıjesin birneshe kún tosýdyń qajeti bolmaı qaldy.
Osy turǵydan Astana qalasy AITV ortalyǵyndaǵy Dostyq kabınetiniń qyzmeti turǵyndar arasynda tanymal, ári qolaıly bolyp otyr. Ásirese AITV ınfeksııasy jynystyq juptyń nemese otbasylyq juptyń bireýinde anyqtalǵan bolsa, onyń serigin juqpadan saqtap qalý múmkindigi bar. Munyń ózi olardyń ózara qarym-qatynastaryn buzbaı, odan ári jalǵastyrýǵa da septigin tıgizedi. Naqtyraq aıtsaq, vırýs naýqastyń jynystyq serigine juqpas úshin belgili merzimge tegin dárilik em taǵaıyndylady. Qoldanylatyn dáriler músheqap qoldanbasa da juǵý qaýpin tómendetedi. Sońǵy kezde júkti áıelderdi emhanalardaǵy áıelder konsýltasııasyna tirkeýge alǵan kezde mindetti túrde olardyń jubaılary, nemese jynystyq serikteri AITV ınfeksııasyna tekseriledi. Eger sol kezde synama oń nátıje kórsetse, onda júkti áıelge mindetti túrde tegin dárilik em taǵaıyndalady. Bul ádis – ana men sábıdi AITV-dan aman saqtaý úshin taptyrmas em.
AITV kúndelikti turmysta tamaq, sý, ydys, tósek, júzý, súıisý, qushaqtasý, amandasý, kıim-keshek, monshaǵa túsý, jándik shaǵý, ortaq dárethana arqyly juqpaıtynyn aıta ketken jón.
Al kez kelgen jaǵdaıda AITV-ǵa qatysty másele týyndasa, bizdiń mekemeniń bilikti mamandarynyń kómegimen tyǵyryqtan shyǵý múmkindigi bar. Ol úshin Astana qalasynyń JITS ortalyǵyna habarlasyp, tekserilip, keńes alyńyz:
Bizdiń mekenjaıymyz: I.Esenberlın kóshesi, 5/1.
Senim telefony: 38-04-64 .
Jumagúl SMAǴULOVA,
Astana qalasy ákimdiginiń
«AITV ınfeksııasynyń aldyn alý ortalyǵy» MKQK
epıdemıolog dárigeriniń kómekshisi
