Endi óz qarajatyn ınvestısııalaýǵa bel býǵan árbir azamat kompanııanyń senimdiligin QNRDA reestrinen ǵana emes, sonymen qatar osy tizimnen teksere alady.
Aıta keteıik, agenttik bıylǵy jyldyń basynan beri 22 qarjy pıramıdasyn anyqtaǵan. Kıberbaqylaý júıesinde 4000-ǵa jýyq saıttar men akkaýntar buǵattaldy.
Aldyn alý jumystary aıasynda áleýmettik jeli qoldanýshylaryna eskertýler jiberý nátıjesinde búginde 52 myń jeli paıdalanýshysy qarjylyq pıramıda belgileri bar kontentke jazylýdan bas tartty.
Eske salaıyq, qarajatty ınvestısııalaý kezinde azamattar belgili bir kompanııada qarjylyq pıramıda belgileriniń bar-joǵyn tekserý úshin QMA telegram botyn paıdalana alady. Jyl basynan beri qyzmetke 3511 ótinish túsken.
«Azamattardy qyraǵy bolýǵa jáne jınaqtaryn kúmándi qarjy ınstıtýttaryna salmaýǵa shaqyramyz. Eger siz jáne sizdiń jaqyndaryńyz qarjy pıramıdasynyń áreketinen zardap shekse, QMA sall-ortalyǵyna habarlasyńyz», delingen QMA habarlamasynda.
