Bilim • 22 Mamyr, 2023

Bıylǵy UBT-ǵa ózgeris engizile me?

450 ret
kórsetildi
1 mın
oqý úshin

Bıyl UBT tapsyratyn mektep túlekteriniń 75 paıyzy synaqtan qazaq tilinde ótýge ótinish bildirgen. Bul týraly QR Ǵylym jáne joǵary bilim vıse-mınıstri Qýanysh Erǵalıev málim etti, dep habarlaıdy Egemen.kz.

Bıylǵy UBT-ǵa ózgeris engizile me?

«Test tapsyrý tiline toqtalsaq, túlekterdiń 75 paıyzy synaqty qazaq tilinde, 25 paıyzy orys tilinde tapsyrady. Taǵy 243 adam (0,14%) aǵylshyn tilin tańdady. Bıyl test formatynda ózgeris joq. Pán sany ózgerissiz qalady, ıaǵnı úsh mindetti jáne eki beıindik pán qamtylǵan. Barlyǵy 120 test suraǵy bolady. Eń joǵary upaı – 140. Testileýdiń jalpy ýaqyty - 4 saǵat», dedi Qýanysh Erǵalıev OKQ alańynda ótken baspasóz konferensııasy barysynda.

Aıta ketsek, erekshe bilim berý qajettilikteri bar talapkerlerdiń test tapsyrýyna qolaıly jaǵdaı qarastyrylǵan. Máselen, olarǵa qosymsha 40 mınýt ýaqyt beriledi. Atalǵan sanattaǵy túlekter úshin syzba men dıagrammalarsyz suraqtar ázirlenedi.

Bıylǵy negizgi UBT 5 shildege deıin jalǵasady.