«La Ciudad de los niños» (Balalar qalashyǵy) úıinde ata-anasyz qalǵan jáne tamaq pen oqýǵa qarajaty joq mektep jasyndaǵy jasóspirimder turady. Fan-klýbtar ózderiniń resmı áleýmettik jelileri arqyly osy balalar úıi týraly aqparat taratyp, mamyr aıynda qaıyrymdylyq kómek kórsetken.
Fan-klýbtardyń ákimshileriniń aıtýynsha, bul qaıyrymdylyq aksııasyna Dımashtyń úlgi kórsetýi men onyń balalarǵa degen sheksiz súıispenshiligi shabyttandyrǵan. Budan soń, Perýdegi Dımashtyń fan-klýbtary (Dimash Qudaibergen Peru World jáne Dimash Kudaibergen Peru Dears) balalarǵa kómek jobasyn júzege asyrý úshin birigip jumys istegen.
Sonymen qatar 20 mamyrda Dımashtyń perýlik jankúıerleri balalar úıine tez buzylmaıtyn azyq-túlikterdi de jetkizgen. Bul týraly Dimashnews.com habarlady.
«Biz balalar qalashyǵyna qarajat bólgen barlyq Dears-ke alǵys aıtqymyz keledi. Osy jobaǵa qosylyp, Perý balalarynyń ál-aýqatyn jaqsartýǵa yqpal etkenińiz úshin raqmet! Biz sizge shyn júrekten alǵys aıtamyz», dedi Perý fan-klýbynyń ákimshileri.
