Is-sharaǵa Qazaqstan úkimetiniń ókilderi, sondaı-aq Nazarbaev ýnıversıtetiniń ákimshiligi, oqytýshylary, qyzmetkerleri men stýdentteri qatysty. Prezıdent Halıma Iаkob óz dárisinde Qazaqstan men Sıngapýr arasyndaǵy tyǵyz ózara tıimdi 30-jyldyq yntymaqtastyq jetistikteri týraly aıtty.
Dáris barysynda Sıngapýr Prezıdenti «Arystan qala» men «Uly dala» arasyndaǵy yntymaqtastyqtyń úsh negizine toqtaldy. Prezıdent pikirinshe, olar: bilim salasy, genderlik teńdik jáne barlyq azamattar úshin teń múmkindikter, dinaralyq dıalog.
«Sıngapýr ómir boıy bilim alýdyń mańyzdylyǵyn moıyndaıdy jáne men eresekterdiń oqýyna qoldaý kórsetýdi arttyrý úshin kóp úles qosýǵa tyrysamyn. Bilim salasy «Qazaqstan 2050» strategııasynyń negizgi tirekteriniń biri bolyp tabylatynyn bilemin. Sondaı-aq Qazaqstannyń 2025 jylǵa deıingi Ulttyq damý jospary bilim berý salasyndaǵy ınfraqurylymǵa ınvestısııa salý jáne búkil Qazaqstan boıynsha ınklıýzıvti bilim berý saıasatyn ilgeriletý arqyly joǵary sapaly bilimge qoljetimdilikti arttyrýǵa baǵyttalǵanyn qýana atap ótkim keledi», dedi Sıngapýr Prezıdenti.
Jumys saparynyń mańyzdy sáti Prezıdent Halımanyń Iаkobtyń Nazarbaev ýnıversıtetiniń qurmetti professory ataǵyn alýy boldy.
