Jobaǵa sáıkes, «Ata joly» kartasy kelesi eki shartpen beriledi:
- qazaq ultyna jatatynyn rastaıtyn qujattyń bolýy;
- Qazaqstan Respýblıkasy azamattyǵynyń bolmaýy.
Bul sharttarǵa saı keletin etnıkalyq qazaqtar, sondaı-aq kelesi talaptardyń da údesinen shyǵýy tıis:
QR Prezıdentiniń 2005 jylǵy 6 maýsymdaǵy jarlyǵyna sáıkes QR azamattyǵyna qabyldaýdyń ońaılatylǵan tártibi belgilenetin mamandyqqa ıe bolý;
QR Eńbek jáne halyqty áleýmettik qorǵaý mınıstriniń 2023 jylǵy 20 aqpandaǵy buıryǵyna sáıkes suranysqa ıe kásipterge ıe bolý;
Turaqty turatyn jáne azamattyǵy bar elde tirkelgen jumys istep turǵan bıznestiń bolýy.
«Ata joly» kartasyn alý úshin ótinishti «Qutty meken» AJ janyndaǵy mobıldik qosymsha arqyly ne Qazaqstannyń shet elderdegi mekemesi arqyly berýge bolady. Jobada «Ata joly» kartasy 10 jyl merzimge beriletini aıqyndalǵan. Biraq onyń jaramdylyq merzimi el pasportynyń qoldanylý merziminen aspaıdy.
Sondaı-aq «Ata joly» kartasy ıesiniń 16 jasqa deıingi kámeletke tolmaǵan balalary da karta ıesiniń quqyqtaryn paıdalana alady.
Eske salaıyq, 2023 jyly Qazaqstanda «Ata joly» kartasyn 5 myń adam ıelenedi. Al 2027 jyldyń sońyna deıin olardyń sanyn 40 myńǵa jetkizý kózdelgen.
Qaǵıdalar jobasyn jarııa talqylaý merzimi – 6 maýsymǵa deıin.
