Yqpaldasýdan utarymyz kóp

Eýrazııalyq ekonomıkalyq odaq shartyna qol qoıylýy Elbasynyń alysty boljaı biletin kóregen saıasatkerligin taǵy bir dáleldedi. Qashanda ilgeri kúnge degen úmitti qadammen qımyldaıtyn Mem­leket basshysy N.Nazarbaev bastama­synyń baıandylyǵyna álem ılandy. Osynshalyqty aýqymdy istiń irgetasy berik qalanǵanyn taǵy bir moıyndady deý oryndy bolmaq. Bul bizdiń boıymyzda erteńgi kúnge degen senimdilikti nyǵaıta tústi. Eldiń egemendigi men saıası táýelsizdigine syzat túsirmeı biryń­ǵaı ekonomıkalyq baılanystardy nyǵaıtýǵa baǵyttalǵan bul batyl qadam odaqqa qatysýshy qaı-qaı elge de tıimdi ekeni sózsiz. Qazir irgeńdi tas qyp bekitip otyratyn ýaqyt emes. Tórtkúl dúnıege qarap otyrsań alys-beris, barys-kelis jasamaǵan elderdi kórmeısiń, olaı bolsa, búgingideı jahandaný zamanynda ıntegrasııalyq úrdisterge ıek artýdyń esh ábestigi joq. Onyń ústine odaqqa qatysýshy elderde ekonomıkalyq baılanystardyń burynnan qalyptasqan daǵdysy bar. Eýrazııalyq odaq bizge ónimderimizdi básekege qabiletti ete otyryp, irgeles jatqan óńirlerge shyǵarýǵa jańa jol ashyp otyr. Biz osyny óz kádemizge jarata bilýimiz kerek, árıne. «Sıtal-2» JShS-niń kirpish zaýyty elimizdiń batys aımaǵynda keramıkalyq kirpish jáne tas buıymdaryn shyǵaratyn birden-bir iri kásiporyn bolyp tabylady. Kásiporynnyń óndiristik qýaty jylyna 20 mıllıon dana shartty kirpish shyǵarýǵa múmkindik beredi. Zaýytta keramıkalyq kirpish pen tas buıymdarynyń 40-tan astam túri shyǵarylady. Bizdiń keramıkalyq kirpishterimizge óz óńirimizdi bylaı qoıǵanda, Atyraý, Mańǵystaý, Batys Qazaqstan, Qyzylorda oblystarynan suranys joǵary. Budan basqa kórshiles Reseıdiń Orynbor oblysyna da ótkizemiz. Buǵan deıin olarǵa óz ónimimizdiń 10 paıyzyn ótkizip kelsek, Eýrazııalyq ekonomıkalyq odaq týraly  shart kúshine engennen keıin bul kólem burynǵydan da arta túsetinine senimdimiz. Onyń ústine bizdiń kirpishterimizdiń jylý ustaǵyshtyq, ylǵalǵa beriktik, dybys pen sýyq ótkizbeıtin qasıetteri joǵary. Bizge 1 myń shaqyrymnan qashyq jerlerge ónimderimizdi ótkizý tıimsiz. Sondyqtan bolashaqta kórshiles Reseıdiń Ońtústik Ýralǵa jatatyn óńirlerin de keramıkalyq kirpishpen qamtamasyz etýdiń joldary qarastyrylýda. О́zara áriptestik alǵa bastaıtynyn ómir­diń ózi kórsetip otyr. Orynborda, Tuztóbe­de ótken ónerkásiptik kórmelerge uda­ıy qatysyp, óz ónimderimizdi tuty­ný­shylarǵa tanystyryp júrmiz. Aqtóbe qalasynda ótken «Eýropa-Azııa. Shekarasyz yntymaqtastyq» halyq­aralyq ónerkásiptik kórmesinde bizdiń ónimderimizge suranystyń joǵary ekeni baıqaldy. Osy kórme endi Orynbor qala­­synda ótedi. Biz osy múmkindikti paı­­da­lanyp, ózderimizdiń ónimderimizdi jar­­n­a­malaıtyn bolamyz. Reseıdiń Oń­tús­­tik Ýral óńiriniń oblystarynan jańa árip­tester tabýǵa tyrysamyz. Sebe­­bi, olarda bizben básekelesetindeı kásip­oryn­dar joq. Ári biz keramıkalyq kir­pish­terge baǵany kótergen joqpyz, salys­tyr­maly túrde basqalarǵa qaraǵanda arzan. 2010 jyly Máskeýdiń «VNISTROM» keramıka ǵyly­mı-zertteý ınstıtýtynyń kómegimen qondyrǵyny jańǵyrttyq. Bul ónim sapasyn jaqsartýǵa negiz qalap otyr. Eýra­zııalyq ekonomıkalyq odaqtyń shekaralas aımaqtarmen áriptestik qaty­nas­tardy nyǵaıtatyny sózsiz. Buǵan biz de óz deńgeıimizde atsalysatyn bolamyz. Jalpy, alys-jaqyn áriptestermen ıntegrasııalyq úndesý ilgerileýge alǵyshart jasaıdy dep oılaımyn. Natalıa KÝROChKINA, «Sıtal- 2» JShS bas tehnology. Aqtóbe oblysy.