* Shyǵys Qazaqstan oblysy Kúrshim aýdanynyń 265 turǵyny 3 jylda bıznesti damytýǵa 600 mln. teńge nesıe aldy. Kásipkerlerdiń osynsha kólemdegi qarjyǵa qymyz, bıdaı, bal, jumyrtqa, ósimdik maıy, qarbyz, pıma sııaqty azyq-túlik jáne ónim túrlerin daıyndaýdy qolǵa alǵanyn aıtqan oblys ákimi Berdibek Saparbaev munyń báriniń «Jol kartasy-2020» baǵdarlamasy arqyly qol jetkenin alǵa tartty.
*Soltústik Qazaqstanda ınvestısııa kólemi jarty jylda 7,2 paıyzǵa artty. Statıstıka departamentiniń basshysy Olga Perepechınanyń aıtýynsha, jyldyń alǵashqy jartysynda bul kórsetkish 34,3 mlrd. teńgeni quraǵan. Sonyń ishinde negizgi kapıtalǵa tartylǵan ınvestısııanyń 79,8 paıyzy sharýashylyq sýbektileriniń jeke qarjysy, 12 paıyzy memlekettik bıýdjet qarjysy, 6,5 paıyzy ózge de zaem qarajattary, 1,7 paıyzy bank nesıesi bolǵan.
*Shymbulaq shatqalynda daýnhıl parki qatarǵa qosyldy. Osyndaǵy taý shańǵysy kýrorty jaz mezgilinde velosport maýsymyn ashty. Ol velosıpedpen taýdan quldılaý – kásibı daýnhıl baık trassasynyń paıdalanýǵa berilýi arqasynda múmkin boldy.
*Shymkentte jurtshylyqqa «Elektrondy qazaq úı» jobasy tanystyryldy. Bul shara keshe oblystyq ishki saıasat basqarmasynyń qoldaýymen «Ońtústik Qazaqstan» gazetiniń baspasóz ortalyǵynda ótti. Elektrondy qazaq úı 4 negizgi bólimnen turady.
*Qyzylorda oblysynyń Shıeli aýdanynda alǵashqy robottandyrylǵan dárihana ashyldy. Mundaı formattaǵy farmamarket buǵan deıin Astana jáne О́skemen qalalarynda qatarǵa qosylǵan edi. Eki qabattan turatyn dárihananyń alǵashqy qabatynda farmamarket ornalasqan. Al densaýlyq pen sulýlyqqa arnalǵan ekinshi qabatynda ÝDZ, kosmetolog, pedıatr, terapevt, massaj bólmeleri bar. Dárihana kún sáýlesi energııasymen qamtamasyz etilgen.
*Keshe Almatyda 200 muqtaj otbasyǵa azyq-túlik taratyldy. Ol «Ramazan syıy» aksııasy aıasynda ótti. Almaty Ortalyq meshiti men «Zeket» qory muqtaj otbasylarǵa un, qant, kúrish, suıyq maı, makaron ónimderinen turatyn azyq-túlik paketin usyndy.
Habarlar «QazAqparat», BNews.kz, Altaynews.kz,
Egemen.kz saıttarynyń derekteri boıynsha daıyndaldy.
