Júlde qory 259 303 AQSh dollaryn quraıtyn jarystyń tusaýkeser kezdesýinde jerlesimiz 17 jasar jergilikti oıynshy Aıa ál-Aýnıden 6:1, 6:4 esebimen aılasyn asyrdy. Kelesi kezeńde de jeńiske jetý Pýtınsevaǵa esh qıyndyq týǵyzǵan joq. Álemdik reıtıngte 129-orynda turǵan fransııalyq Leolııa Janjan jerlesimizge jarytyp qarsylyq kórsete almady. 1 saǵat 14 mınýtqa sozylǵan báseke 6:2, 6:1 esebimen aıaqtaldy. Endi ol Hýlıo Rearamen saıysqa túsedi. Argentınanyń ókili WTA tiziminde nebári 552-oryndy qanaǵat tutqanymen, alǵashqy aınalymdarda Krıstına Mladenovıch (Fransııa) pen Maıar Sherıf (Mysyr) sekildi belgili tennısshilerdi utyp, kópshilik nazaryn ózine aýdarǵan edi.
Fransııanyń Lıon qalasynda ótip jatqan ATR-250 dodasynda Aleksandr Nedovesov pen meksıkalyq Mıgel Anhel Reıes-Varela juby shırek fınalda súrindi. Olar AQSh pen Ulybrıtanııanyń ókilderi Radjıv Ram men Djo Solsberıge 4:6, 6:3, 7:6 esebimen jol berdi.
