«Jyl saıyn halyqaralyq tranzıt aǵyny ósip keledi. Jaz aılarynda elimizge ózderiniń kóligimen saparlap keletin shetel azamattary kóbeıedi. El azamattary da basqa óńirlerge demalýǵa barady. Bul turǵyda joldaǵy apat kúrt ósýi múmkin. Joldaǵy apat sanyn tek polısııa kúshimen azaıtý múmkin emes», dedi Igor Lepeha.
Onyń aıtýynsha, elimizdiń aýqymdy aýmaǵyn eskere otyryp, polıseıler patrýlin ár joldyń boıynda jıi qoıý múmkin emes.
«Qazir polıseılerdiń biraz fýnksııalary qysqarǵan. Bul turǵyda polısııa qyzmetkerlerine kólikti sebepsiz toqtatýǵa tyıym salǵanbyz. Jol erejesin buzǵan jaǵdaıda ǵana toqtatady. Sondyqtan joldaǵy kólik qozǵalysyn qadaǵalaýdyń barlyq prosesin sıfrlandyrý aıasynda tıisti ońtaıly sheshimder bolýy kerek. Atap aıtqanda, osyǵan deıin bul salada biraz oń qadamdar jasaldy. Qazirgi kezde oblys ortalyqtarynda joldaǵy ereje buzý derekteriniń jartysynan kóbi avtomatty tirkeý quraldary arqyly anyqtalyp jatyr», dedi Igor Lepeha.
