Prezıdent • 26 Mamyr, 2023

Memleket basshysy sheıh Sýrýr ben Muhammed Ál Nahaıanmen kezdesti

246 ret kórsetildi

Memleket basshysy Abý Dabı Ámirligin bıleýshi áýlettiń ókili, sheıh Sýrýr ben Muhammed Ál Nahaıanǵa iltıpat bildire otyryp, búgingi kezdesý eki eldiń yntymaqtastyǵyn nyǵaıtý joldaryn talqylaýǵa oraıly sát ekenin atap ótti, dep habarlaıdy Egemen.kz Aqordanyń baspasóz qyzmetine silteme jasap.

Memleket basshysy sheıh Sýrýr ben Muhammed Ál Nahaıanmen kezdesti

«Bıyl jyl basynda Ámirlikterge jasaǵan saparymdy jáne el basshylyǵymen ótkizgen kezdesýlerimdi jyly sezimmen eske alamyn. Qol jetkizilgen ýaǵdalastyqtar eki el halyqtarynyń ıgiligi úshin qyzmet etip jatqanyn erekshe atam ótemin. Arab Ámirlikteri – biz úshin ıslam álemindegi senimdi ári basty strategııalyq seriktes. Táýelsizdiktiń alǵashqy jyldarynan bastap qoldaý kórsetip kele jatqan baýyrlas el. Muny qazaq halqy eshqashan umytpaıdy. Ámirlikterdiń el kórkeıýine qosqan úlesin dostyq pen tyǵyz yntymaqtastyqtyń jarqyn beınesi dep qabyldaımyz. Múmkindikti paıdalanyp, Arab Ámirlikteriniń basshylyǵyna alǵysymdy bildiremin jáne Prezıdent sheıh Muhammed ben Zaıd Ál Nahaıanǵa ystyq yqylasqa toly sálemimdi joldaımyn», dedi Qasym-Jomart Toqaev.

f

О́z kezeginde sheıh Sýrýr ben Muhammed Ál Nahaıan qurmet kórsetkeni úshin Qasym-Jomartqa Toqaevqa alǵys aıtty jáne Qazaqstan men BAÁ qatynastary qarqyndy damyp kele jatqanyna nazar aýdardy.

«Sizdiń qańtar aıynda BAÁ-ge jasaǵan resmı saparyńyz dostas eki el arasyndaǵy yntymaqtastyqty nyǵaıtý turǵysynan tabysty boldy. Elińizben aradaǵy qarym-qatynasymyzdyń tarıhy tereńde. Búginde halyqaralyq jáne aımaqtyq jaǵdaılarǵa qaramastan, kóptegen salada yntymaqtastyǵymyz nyǵaıyp keledi. Birlesken ınvestısııalyq jobalarymyzdy júzege asyrýǵa barynsha qolaıly jaǵdaı jasaǵanyńyz úshin Sizge jáne Qazaqstan úkimetine rızashalyǵymyzdy bildiremiz», dedi sheıh Sýrýr ben Muhammed Ál Nahaıan.

,

Kezdesý barysynda eki eldiń saýda-ekonomıka, ınvestısııa salalaryndaǵy yntymaqtastyqty odan ári nyǵaıtý máseleleri qarastyryldy. Prezıdent Ámirlikter kompanııalarynyń múmkindikteri men tájirıbesi mol ekenin aıta kelip, olardy aýyl sharýashylyǵy, energetıka, munaı hımııasy, taý-ken óndirisi, qurylys, kólik jáne logıstıka, qarjy, týrızm salalaryndaǵy jobalarǵa belsendi qatysýǵa shaqyrdy.

s

Sońǵy jańalyqtar

Brakkodan bas tartty

Hokkeı • Keshe

Ersin erledi

Sport • Keshe

Jas ekologter jarysy

Jastar • Keshe

Kúzde oqylǵan óleń

О́ner • Keshe

Zaýyt jumysy toqtaıdy. Nege?

Aımaqtar • Keshe

Sábıler kóbeıip keledi

Qoǵam • Keshe