Oǵan Ulttyq ulannyń jáne atalǵan ýnıversıtettiń, Almaty qalasy men Almaty oblysynyń áskerı jáne quqyq qorǵaý organdarynyń baspasóz qyzmetkerleri qatysty. Olardyń arasynda áskerı jýrnalıstıkany zerttep júrgen ǵalymdar men medıa salanyń maıtalman mamandary da bar.
Dóńgelek ústelge qatysýshylar áskerdegi aqparattyq jumysty jetildirý joldaryn jáne jastardy patrıottyqqa tárbıeleý jónindegi máselelerdi talqylady. Jıyndy Ulttyq ulannyń qyzmetkeri, Jýrnalıster odaǵynyń múshesi polkovnık Qýanysh Qojahmetov júrgizdi.
Kópshilik aldynda birinshi bolyp sóz sóılegen Ulttyq ulannyń aqparattyq-baspa bóliminiń bastyǵy – «Qalqan» gazeti men «Búrkit» jýrnalynyń bas redaktory polkovnık Erbolat Sultanov elimizdiń buqaralyq aqparat quraldary arasynda áskerı jýrnalısterdiń orny men rólin anyqtaý qajettigin atap ótti. Sodan keıin ǵana patrıotızmge tárbıeleý máselelerinde áskerı jýrnalıstıkanyń maqsattary men mindetterin naqtylaýǵa bolatynyn jetkizdi. Sondaı-aq áskerı qyzmet kezindegi saıası jáne moraldyq-psıhologııalyq qasıetterdi qalyptastyrýdyń otandyq jáne sheteldik tájirıbesin taldaýdy usyndy.
«Qazaqstannyń Ulttyq ulany men Qarýly Kúshterinde respýblıkanyń áskerı baspasóziniń tutas júıesin quraıtyn gazettiń damyǵan kommýnıkatıvtik kishi júıeleri bar. Bul zańdy jaǵdaı, óıtkeni memleket ınstıtýtynyń mundaı kúrdeli jáne mańyzdy bóligi aqparattyq-kommýnıkatıvtik qoldaýsyz, jeke quramdy tárbıeleý quraldarynsyz, áskerlerde memlekettik ıdeologııany júrgizýsiz damı almaıdy», dedi polkovnık Erbolat Sultanov.
Onyń aıtýynsha, Qazaqstandaǵy áskerı basylymdar birtutas júıe retinde 1992 jyldan bastap qarqyndy damyp keledi. О́ıtkeni áskerı baspasóz júıesin uıymdastyrý jumystary elimizdiń Qarýly Kúshteri qurylǵan sátten bastap turaqty júrgizildi.
Máselen, Qorǵanys mınıstrligi shyǵaratyn «Sarbaz» gazeti jáne «Aıbyn» jýrnaly, UQK Shekara qyzmeti shyǵaratyn «Otan saqshysy» gazeti men «Shekarashy» jýrnaly, sondaı-aq Ulttyq ulannyń «Qalqan» gazeti men «Búrkit» jýrnaly jáne «Ulttyq ulan jarshysy» oqý-ádistemelik quraldar jınaǵy óz oqyrmandaryna úzdiksiz jetkizilip otyrady.
Dóńgelek ústel barysynda qoǵamdaǵy patrıottyq sezimniń qalyptasýy da sóz boldy. Bul jaıynda S. О́tebaev atyndaǵy Atyraý munaı jáne gaz ýnıversıtetiniń jastar saıasaty men áleýmettik máseleler jónindegi prorektory, fılologııa ǵylymynyń kandıdaty, dosent Qanat Áýesbaı oıymen bólisti.
«Qazaqstan azamattaryn rýhanı-adamgershilikke jáne patrıottyqqa tárbıeleýdi ilgeriletemiz desek, eń aldymen qazirgi ýaqytta olarǵa qarsy jalǵasyp jatqan aqparattyq-psıhologııalyq ekspansııanyń aldyn alýymyz kerek», dedi halyqqa telejúrgizýshi retinde tanylǵan azamat.
Ol osy máseleniń sheshý joldary baryn aıtyp, ózi ázirlep ákelgen usynystaryn ortaǵa saldy
«Qazaqstandyq azamattardyń rýhanııatqa qyzyǵýshylyǵyn oıatyp, adamgershiligi men patrıotızmin damytýda BAQ-ty eleýli jandandyrý mańyzdy. Mysaly, Qazaqstan tarıhy, onyń mádenıeti, eldigi, armııasy men floty boıynsha janry jaǵynan alýan túrli ári jastar aýdıtorııasyna arnalǵan fılmder men beınefılmderdi, radıobaǵdarlamalardy kórsetýdiń uzaq merzimdi josparlaryn ázirleý jáne iske asyrýdy usynar edim», dedi fılologııa ǵylymynyń kandıdaty, dosent Qanat Áýesbaıuly.
Budan keıin sóz tizgini Ál-Farabı atyndaǵy QazUÝ IýNESKO-nyń halyqaralyq jýrnalıstıka jáne qoǵamdyq medıa kafedrasynyń professory, tarıh ǵylymdarynyń doktory Láıla Ahmetovaǵa berildi. Ol áskerı jýrnalısterge arhıvtik qujattar negizinde patrıottyq sana qalyptastyrý týraly baıandady. Al Ál-Farabı atyndaǵy QazUÝ IýNESKO-nyń jýrnalıstıka jáne kommýnıkasııa kafedrasynyń dosenti Aleksandr Rojkov áskerı jýrnalıster ázirlegen materıaldardyń qoǵamǵa yqpaly týraly qyzyqty baıandama jasady.
Sonymen qatar, basqosýda Ál-Farabı atyndaǵy QazUÝ IýNESKO-nyń jýrnalıstıka jáne kommýnıkasııa kafedrasynyń aǵa oqytýshysy Arman Qudabaı «Urys qımyldary kezindegi psıhologııalyq operasııalar jáne aqparattyq soǵystar» taqyrybynda sóz sóıledi.
Dóńgelek ústeldi qorytyndylaǵan «Qalqan» gazeti men «Búrkit» jýrnalynyń bas redaktory polkovnık Erbolat Sultanov Ál-Farabı atyndaǵy Qazaq Ulttyq ýnıversıtetiniń basshylyǵyna úshkúndik oqý-ádistemelik jıyndy uıymdastyrýdaǵy birlesken jumystary úshin alǵys aıtty. Sondaı-aq ol Ishki ister mınıstriniń orynbasary – Ulttyq ulannyń Bas qolbasshysy general-leıtenant Erkin Botaqanovtyń buıryǵymen sabaq ótkizýge belsendi qatysqan, sondaı-aq jemisti yntymaqtastyq pen ádistemelik kómek kórsetken birqatar azamatty alǵys hatpen, gramotamen marapattady. Budan bólek, Ál-Farabı atyndaǵy QazUÝ jýrnalıstıka fakýltetiniń dekany, fılologııa ǵylymdarynyń kandıdaty Temirǵalı Kópbaev pen IýNESKO-nyń jýrnalıstıka jáne kommýnıkasııa kafedrasynyń meńgerýshisi, fılologııa ǵylymdarynyń doktory, professor Nazgúl Shyńǵysovaǵa «QR quqyqtyq tártip áskerine 30 jyl» tósbelgisin tabystady. Al tarıh ǵylymdarynyń doktory Láıla Ahmetova, IýNESKO-nyń jýrnalıstıka jáne kommýnıkasııa kafedrasynyń dosenti Aleksandr Rojkov pen osy kafedranyń oqytýshysy Aıman Qaımýldına «Ulttyq ulan qyzmetiniń úzdigi» tósbelgisimen nagradtaldy.
Aıta keteıik, bul jıyn Almatyda ótip jatqan áskerı basylymdarda qyzmet etetin jýrnalısterdiń oqý-ádistemelik jıynyn túıindegen is-shara boldy. Sondyqtan oqý-ádistemelik jıyndardyń qorytyndysy boıynsha áskerı jýrnalıster oqýdan ótkeni týraly sertıfıkattar aldy. Osylaısha, 24 mamyrda bastalǵan aýqymdy jıyn óz máresine jetti.
