Prezıdentke sút fermasyndaǵy saýyn sehy jáne mal bordaqylaý alańy kórsetilip, osy keshende qoldanylatyn sút óndirý tehnologııasy tanystyryldy.
Taýarlyq sút fermasynyń birinshi kezeńi 2020 jyly iske qosylǵan. Byltyr kásiporynǵa 366 mıllıon teńge ınvestısııalyq sýbsıdııa bólingen jáne Germanııadan sımmental jáne golshtın asyl tuqymdy iri qara satyp ákelingen. Ferma 60 jergilikti turǵyndy turaqty jumyspen qamtamasyz etip otyr.
Prezıdent agroónerkásip kesheni basshylarymen jáne qarapaıym jumysshylarmen áńgimelesti. Olar memleket tarapynan kórsetilip jatqan jan-jaqty qoldaýdyń nátıjesinde Soltústik Qazaqstan oblysynda mal sharýashylyǵynyń damýy tyń qarqyn alǵanyn atap ótti.
