29 mamyr túngi saǵat 01.06-da respýblıkalyq jedel-qutqarý jasaǵynyń kezekshi bólimine Aıýsaı shatqalynda er adam joǵalyp ketkeni týraly Almaty tótenshe jaǵdaılar departamentinen habarlama kelip tústi.
Úsh adamnan turatyn týrıster toby Aıýsaı shatqalyna ketken. Alaıda kesh túskenshe týrıster úılerine oralmaǵan. Olardyń týystary Almaty qalalyq TJD-ǵa habarlasyp, kómek suraǵan.
Oqıǵa ornyna jeke quramnyń 7 adamy bar jedel top, onyń ishinde 1 kınologııalyq esep izdestirý-qutqarý jumystaryn istegen.
Saǵat 03.10-da TJM qyzmetkerleri Aıýsaı shatqalyna kelip, izdeýge kiristi. Qutqarýshylar 2 topqa bólindi: birinshisi Kosmostansııa aımaǵynan izdeýdi bastady, al ekinshisi Prohodnoe shatqalynan ótti.
«Joǵalǵan týrıster Aıýsaı shatqalyndaǵy ekinshi sarqyramanyń ústinen tabyldy. Eshqaısysyna medısınalyq kómek qajet bolmaǵan. Nátıjesinde úsh adam, 1993 jyly týǵan er adam jáne Reseıdiń eki azamaty - 1990 jyly týǵan áıel jáne 1980 jyly týǵan er adam qutqaryldy», dep habarlady Respýblıkalyq jedel-qutqarý jasaǵynyń baspasóz qyzmeti.
Esterińizge sala keteıik, Almaty taýlarynda joǵalyp ketken Aýstralııa azamatynyń máıiti Aıýsaı shatqalynan tabylǵan edi.
