2023 jyldyń 1 shildesinen bastap Biryńǵaı jınaqtaýshy zeınetaqy qorynyń salymshylary zeınetaqy jınaqtary somasynyń 50 paıyzyna deıin jeke basqarýshy ınvestısııalyq kompanııalarǵa bere alady. Osy tusta Premer-mınıstrdiń orynbasary – Qarjy mınıstri Erulan Jamaýbaev BAQ ókilderin qyzyqtyrǵan suraqtarǵa jaýap berdi.
«Tarıhqa qaıta oralsaq, BJZQ ne úshin quryldy? BJZQ halyqtyń kóbirek qarajat jınaýy úshin jáne birte-birte yntymaqtyq júıeniń joıylyp, bolashaqta azamattardyń zeınetaqyny BJZQ-dan alýy úshin qurylǵan. Qazir biz shekteýdi qaıta qaradyq. Biraq qarjysyn sheship alýǵa asyqqan adamdardyń qordaǵy aqshasy az qaltynyn da umytpaý qajet. Esepteýler bul qarajattyń jetkilikti ekenin kórsetip otyr. Dese de, jınaqtaǵy qarajatty azyraq tartý kerek ekenin jaqsy túsinemiz. Biraq áskerı qyzmetkerlerge qatysty osyndaı saıası sheshim qabyldanǵan. Buǵan qatysty Eńbek mınıstrliginiń óz esebi bar. Halyqtyń shyǵaryp alǵan somasy sonshalyqty úlken qarajat emes – 3 trln teńgeden asady. Biraq soǵan qaramastan BJZQ-nyń turaqty bolǵanyn qalaımyn. Birinshiden, bul – bizdiń bolashaǵymyz, barlyq zeınetkerlerdiń bolashaǵy», dedi mınıstr.
Sóz sońynda Erulan Jamaýbaev osy ýaqytqa deıin BJZQ jınaǵynan birde-bir ret zeınetaqy sheship almaǵanyn ashyq aıtty. Mınıstr bul qarajatty bolashaqta ınvestısııalyq jobalarǵa jumsaýǵa bolatynyn jáne basqa elderde mundaı artyqshylyq joq ekeninin túsindirdi.
