Is-sharanyń ashylý saltanatyna memlekettik qyzmet isteri agenttiginiń Astana qalasy boıynsha departamentiniń basshysy, Ádep jónindegi keńes tóraǵasy Álı Kómekbaev, elordadaǵy buqaralyq is-sharalardy ótkizý dıreksııasynyń basshysy Baqtııar Masanov, jarystyń bas tóreshisi Dáýlet Hamzın jáne qalalyq sport basqarmasynyń buqaralyq sport bóliminiń basshysy Azamat Aǵzamov qatysty.
«Memlekettik qyzmetshilerdiń kásibı merekesine oraı uıymdastyrylyp jatqan cpartakıadany ótkizý jyl saıynǵy dástúrge aınalǵan. Bıyl 13-márte ótkizilip jatyr. Bul — sport. Sportta barlyǵy jeńe bermeıtini anyq. Bastysy, salaýatty ómir saltyn nasıhattap, memlekettik qyzmetshilerdiń birligin arttyrý. Aldaǵy kúnderi úzdikter anyqtalyp, respýblıkalyq spartakıadada Astana qalasynyń namysyn qorǵaıtyn bolady. Sizderdiń jeńiske jetkenderińiz – biz úshin úlken maqtanysh», dedi Álı Kómekbaev.
Aıta ketsek, bıylǵy spartakıadaǵa quramynda 300-ge jýyq memlekettik qyzmetshisi bar 23 komanda qatysyp jatyr. Olar shaǵyn fýtbol, voleıbol, ústel tennısi, toǵyzqumalaq, júzý, bılıard, qazaq kúresi sııaqty sport túrlerinen ózara kúsh synasady.
Uıymdastyrýshylardyń aıtýynsha spartakıadanyń birden-bir maqsaty – salaýatty ómir saltyn nasıhattaý, memlekettik qyzmetshilerdi sportpen júıeli túrde aınalysýǵa tartý, komandalyq rýhty, maqsatqa umtylýshylyqty, erik-jigerdi, tabandylyqty jáne jeńiske umtylysty tárbıeleý.
«Búgingi tańda memlekettik qyzmetshi – bul óz isiniń kásipqoı mamany ǵana emes, ol eń aldymen óz densaýlyǵyna tıisti nazar aýdarýdy qajet etetin adam, óıtkeni deni saý memlekettik qyzmetshi – tıimdi memlekettik qyzmetshi ekeni belgili. Spartakıadaǵa qatysýshylardyń qatary jyldan-jylǵa artyp kele jatqany kóńil qýantady. Jarys bolǵan soń jeńis te, jeńilis te bolady. Basty bul jerde memlekettik qyzmetshilerdiń arasyndaǵy birlikti arttyrý», deıdi qalalyq sport basqarmasy buqaralyq sport bóliminiń basshysy Azamat Aǵzamov.
Spartakıada qorytyndysy boıynsha Astana qalasynyń úzdikteri jasaqtalyp, 20-25 maýsym aralyǵynda Taldyqorǵan qalasynda ótetin respýblıkalyq spartakıadaǵa qatysýǵa joldama alady.
