Forýmǵa Qazaqstan Respýblıkasy Prezıdentiniń janyndaǵy jáne oblys, aýdan ákimderi janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa músheleri, Aqtóbe oblysy boıynsha jalpy bilim beretin orta mektepterdiń muǵalimderi men psıhologtary, balalarmen jumys jónindegi qoǵamdyq uıymdardyń qyzmetkerleri, quqyq qorǵaý organdary, joǵary oqý oryndarynyń ókilderi, Q.Jubanov atyndaǵy Aqtóbe óńirlik ýnıversıtetiniń bilim alýshylary, ýnıversıtet basshylyǵy jáne professor-oqytýshylar qatysty.
Forýmnyń maqsaty – balalarǵa qatysty zorlyq-zombylyqtyń ózekti máselelerin talqylaý jáne sheshý joldaryn izdestirý.
Forýmǵa shaqyrylǵan spıkerlerdiń arasynda psıhologtar, psıhoanalıtıkter jáne quqyq qorǵaýshylar bar.
Forým jumysy aıasynda psıhoanalıtık, Ortalyq Azııa psıhoanalız ınstıtýtynyń dırektory Anna Qudııarova psıhoanalız turǵysynan ózekti taqyrypta dáris oqyp, zorlyq-zombylyqtyń aldyn alý jáne balalar qaýipsizdigi jaıly aıtty.
Sonymen qatar, forým aıasynda dáriger-psıhıatr Tamara Asımova «Psıhıatrııa turǵysynan jynystyq zorlyq-zombylyq» taqyrybynda prezentasııa jasady.
Qatysýshylarǵa spıkerlermen qatar, ulttyq komıssııa múshesi, advokat Aıman Ýmarova men «Densaýlyq jáne salaýattylyq» ortalyǵy mamandary shaǵyn sessııalar men sheberlik sabaqtaryn ótkizdi.
