Uıymnyń «Pedagogıkalyq ólsheýler» jáne «Bilim berý baǵdarlamalary» ortalyǵy otandyq bilim keńistiginde eki táýelsiz ınstıtýtqa aınaldy. Sonymen qatar «NIS-Programme» jáne «NIS Grade 12 Certificate» baǵdarlamalary halyqaralyq deńgeıde brıtandyq «GCE AS/A-level» deńgeıimen qatar baǵalanady.
– Kembrıdjben uzaq merzimdi jumys barysynda biz bilikti mamandardy daıarladyq. Birneshe jyl boıy jınaqtalǵan tájirıbeni elimizdiń jáne shet memlekettiń bilim salalaryna engizdik. Endi halyqaralyq dárejede moıyndalǵan oqý baǵdarlamalary men baǵalaý quraldaryn ózimiz ázirleımiz. Biraq Kembrıdj ýnıversıteti akkredıtteý talaptaryna sáıkes, Nazarbaev zııatkerlik mektepteriniń úderisterine aýdıt pen monıtorıng júrgizýdi jalǵastyra beredi, – dedi «Nazarbaev zııatkerlik mektepteri» derbes bilim berý uıymynyń basqarma tóraǵasy Ánýar Janǵozın.
Kembrıdj bilim berý seriktestigi mektep basshylyǵyn osy baǵytta qoldap otyr. «Nazarbaev zııatkerlik mektepteri nebári on jyl ishinde Kembrıdj sııaqty bilim berýdiń joǵary standarttaryna qol jetkizdi. Bul basshylyq pen ujymnyń eńbekqorlyǵyn kórsetedi», deıdi baǵdarlama jetekshisi Elıson Brollı.
Sondaı-aq zııatkerlik mektepterdiń otandyq jáne halyqaralyq oqý-aǵartý salasyna engizgen tyń jańalyqtary men oqýshylardyń bilim kórsetkishterin 7 halyqaralyq uıym men 44 sheteldik joǵary oqý orny moıyndaǵanyn eske sala keteıik.
Mereı AÝǴALI,
L.N.Gýmılev atyndaǵy EUÝ stýdenti
