Snejanna Imashevanyń aıtýynsha, jýyrda bul baptar óz kúshin joıady.
Tuńǵysh Prezıdentke til tıgizgeni úshin jaýapkershilik týraly bapty alyp tastaý týraly norma májilistiń qaraýyna engizilmek.
Depýtat túsindirgendeı, Konstıtýsııada «Elbasy» degen mártebe qarastyrylmaǵan, ókilettikteri de kórsetilmegen, sondyqtan bul baptar endi qajet emes. Depýtattyń aıtýynsha, atalǵan baptarǵa qatysty qylmystyq jaýapkershilik qarastyrylmaıdy, eshqandaı jaza qoldanylmaıdy.
«Aktıvterdi qaıtarýǵa qatysty zań jobalarynyń barlyq paketin qabyldaǵan kezde, bul normalar da alynyp tastalady. Osy normalardy Májilistegi bizdiń komıtet qarastyryp jatyr. Til tıgizgeni úshin qarastyrylǵan jaýapkershilik normasy joıylady», dep túsindirdi Imasheva.
