Ashyq NQA portalynda jarııalanǵan Jarlyq jobasynda jazylǵandaı, endi Memlekettik kúzet qyzmetiniń (MKQ) basty fýnksııasy qatarynan QR Tuńǵysh Prezıdentiniń qaýipsizdigin qamtamasyz etý mindeti alynady.
«Mindetteri — Qazaqstan Respýblıkasy Prezıdentiniń jáne basqa da kúzetiletin adamdardyń qaýipsizdigin qamtamasyz etý», delingen jańa redaksııada.
Qujatqa qosymsha berilgen túsindirmede kórsetilgendeı, bul sheshim «QR Tuńǵysh Prezıdenti – Elbasy týraly» QR Konstıtýsııalyq zańynyń kúshi joıylýyna baılanysty qabyldanyp otyr.
Jarlyq jobasy 14 maýsymǵa deıin kópshilik talqylaýda bolady. Keıin qol qoıý úshin Prezıdentke joldanady.
