Keıingi jyldary eldiń týrıstik kompanııalary shet elden týrıster tartýǵa, sonyń ishinde arab elderinen qonaq shaqyrýǵa erekshe den qoıa bastady. Sebebi qonaqtar birinshi kezekte ólkeniń kórikti jerlerine, qyzmet kórsetý sapasyna nazar aýdarady. Apta basynda eldegi 10 týrıstik jáne qonaq úı kompanııalarynan quralǵan delegasııa Qatardyń eń negizgi degen týragenttermen jáne týroperatorlarmen kezdesti. Saparǵa Qazaqstannyń Qatardaǵy elshiligi, Mádenıet jáne sport mınıstrli, Kazakh Tourism ulttyq kompanııasy men Shymkent qalasy ákimdiginiń qoldaý kórsetken. Joǵaryda aıtqandaı, eldegi týrıstik kompanııalardyń ókilderi Qatar týroperatorlaryna eldiń baı jáne biregeı týrıstik áleýetin tanystyrdy.
Bul týraly eldiń Qatardaǵy elshiligindegi ókilder «Qatarlyq týroperatorlar bizge Qazaqstandaǵy týrpaketterge suranystyń únemi ósip kele jatqany týraly, sondaı-aq elimizdiń týrıstik áleýeti men qonaqjaılyǵymyz týraly árkez oń pikir aıtady», degen-di.
Al Kazakh Tourism kompanııasynyń ókilderi Qazaqstan men Qatar arasynda Doha-Almaty baǵytynda tikeleı áýe qatynasynyń arqasynda eki el arasynda yntymaqtastyq nyǵaıǵany týraly habarlady. Sonymen qatar qatarlyqtar bizge vızasyz kele alatynyn aıta ketken jón. Kezdesý barysynda Qatar týrıstik kompanııalary týrızmdi damytý isindegi eki el arasyndaǵy artyqshylyqtardy erekshe atap ótti. Sondaı-aq kompanııalar Qatar týrısterine Qazaqstanǵa sapar boıynsha tıimdi usynys jasaýǵa daıyn ekenin jetkizdi.
Kezdesýge jıylǵan qaýym mazmuny tolyǵymen arab tiline beıimdelgen Kazakhstan.travel ulttyq týrıstik portal arqyly eldiń týrıstik áleýetin zerdeleý múmkindigin de baǵalady.
