Keleńsiz oqıǵa 1 maýsym kúni bolǵan. Qolqanat Elek ózenine batyp bara jatyrǵan balany baıqap, oǵan kómek qolyn sozýǵa asyqqan. Aqyry balany sýdan shyǵaryp, alǵashqy medısınalyq kómek kórsetken edi. Búgin mınıstr batyr oqýshy men ony tárbıelegen ata-anasyna alǵys bildirdi.
«Adam ómirin qutqarý – bul erlik. Bizdiń mektep oqýshylarynyń arasynda ózgelerge úlgi bolarlyq ójet, erjúrek, batyl balalardyń bary úlken maqtanysh. Osyndaı azamattardy tárbıelegeni úshin ata-analary men muǵalimderine alǵys aıtamyn», dedi Ǵanı Beısembaev marapattaý barysynda.
Qolqanat Baqquldyń ata-anasy da balasynyń erligin nazardan tys qaldyrmaǵan mınıstrge rıza boldy.
«Biz balalarymyzdyń qaıyrymdy, qamqor, patrıot bolyp ósýine kúsh saldyq. Rýhy bıik urpaq tárıeleýge tyrystyq, ulymyzdyń bul áreketin maqtan tutamyz», dedi oqýshynyń ákesi Erbolat Rzıev.
