Mamandar usynǵan derekterge sáıkes:
- 1 mamyrda Mańǵystaý oblysynyń Aqqudyq meteostansııasynda eń joǵary aýa temperatýrasy +34,1°S tirkeldi. Osylaısha 2005 jylǵy rekord (+33,9°S) jańardy;
- Sam meteostansııasynda aýa temperatýrasy +32,5°S boldy, sońǵy ret sol kúni maksımaldy temperatýra 1975 jyly (+31,0°S) baıqalǵan;
- Atyraý oblysynyń Qulsary meteostansııasynda termometr baǵany +33,4°S belgisine jetti, bul 1986 jylǵy rekordty (+31,8°S) jańartty;
- 2 mamyr kúni dál osy stansııada eń joǵary aýa temperatýrasy +32,4°S boldy, osylaısha 1970 jylǵy aýa temperatýrasy +32,2°S quraǵan rekordynan asty;
- Al Batys Qazaqstan oblysynyń Taıpaq meteostansııasynda termometr baǵany +32,2°S belgisine jetken, osylaısha 1970 jylǵy rekord (+31,4°S) jańardy;
- 11 mamyrda Pavlodar oblysynyń Baıanaýyl meteostansııasynda eń joǵary aýa temperatýrasy +31,3°S tirkeldi, osylaısha 1976 jylǵy rekord (+30,0°S) jańartyldy;
- Sondaı-aq Qaraǵandy oblysynyń Jaryq meteostansııasynda maksımaldy aýa temperatýrasy +29,6°S deıin jetti, sońǵy ret sol kúni maksımaldy temperatýra 1991 jyly (+29,0°S) baıqaldy;
- Qyzylorda meteostansııasynda termometr baǵany +35,6°S belgisine jetti, bul 2019 jylǵy rekordty (+34,7°S) jańartty;
- 27 mamyr kúni Aqtaý meteostansııasynda (Mańǵystaý oblysy) eń joǵary aýa temperatýrasy +36,2°S boldy, osylaısha 2000 jylǵy aýa temperatýrasy +34,0°S quraǵan rekordynan asty;
- 30 mamyr kúni Qostanaı meteostansııasynda termometr baǵany +34,9°S belgisine jetti, osylaısha 2021 jylǵy rekord (+34,5°S) jańardy.
Sınoptıkterdiń málimetinshe, mamyr aıynyń basynda elimizdiń soltústik, ortalyq, shyǵys jáne ońtústik aımaqtaryna aýa temperatýrasynyń tómendeýi men úsikke alyp kelgen Shyǵys Sibir aýdanynan salqyn aýa massalary jetti.
Mundaǵy rekordtar:
- 2 mamyrda túnde Aqtoǵaı meteostansııasynda (Qaraǵandy oblysy) aýanyń eń tómengi temperatýrasy -6,8°S boldy, osylaısha 1969 jylǵy rekord (-5,0°S) jańartyldy;
- 3 mamyrda dál osy meteostansııada termometr baǵany -7,8°S belgisine jetti, sońǵy ret sol kúni absolıýtti mınımým 2002 jyly -3,7°S boldy;
- Shyǵys Qazaqstan oblysynyń Rıdder meteostansııasynda aýa temperatýrasynyń rekordtyq kórsetkishi -5,2°S belgisine jetti, bul 1985 jylǵy rekordty (-4,5°S) jańartty;
- 4 mamyrda Qaraǵandy oblysynyń Aqtoǵaı meteostansııasynda aýanyń eń tómengi temperatýrasy -8°S boldy, osylaısha 1997 jylǵy aýa temperatýrasy -5,1°S bolǵan kezdegi rekordtan asty;
- 5 mamyrda Jambyl oblysy Taraz meteostansııasynda termometr baǵany -1,1°S belgisine jetti, sońǵy ret sol kúni absolıýtti mınımým 1998 jyly +0,5°S qurady.
Odan bólek respýblıkanyń ońtústik-shyǵysynda kúshti jelge baılanysty aldyn ala eskertý jarııalanǵan edi. Máselen, Dostyq avtomatty meteorologııalyq stansııasynda 1 mamyrda daýyldy jel (ekpini 42 m/s), 2 mamyr kúni óte kúshti jel (ekpini 33 m/s), 3 mamyr kúni – ekpini 31 m/s bolatyn jel soqty.
Temperatýralyq rekordtardan basqa mamyr aıynda jaýyn-shashynnan da birqatar rekord tirkelgen.
- 16 mamyrda Qyzylorda oblysynyń Qazaly meteostansııasynda bir aılyq normasy 14 mm bolǵan jaǵdaıda 17 mm jaýyn-shashyn jaýdy;
- 17 mamyrda Túrkistan oblysynyń Tasty meteostansııasynda 18 mm jaýyn-shashyn jaýdy (bir aılyq normasy - 17 mm);
- 22 mamyrda Jetisý oblysynyń Jalańashkól meteostansııasynda bir aılyq norma 8 mm bolǵan jaǵdaıda bir táýlikte 10 mm jaýyn-shashyn jaýǵan.
