- Jolǵa shyqqan jolaýshy ózimen birge sary maı, tuz alyp shyqpaıdy. Munyń mánisi - jolymda sarǵaıyp, zaryqpaıyn, tuzdaı ashty azap tartpaıyn dep nıet etkeni.
- Uzaq jolǵa tústen keıin attanbaıdy, túnde sapar bastamaıdy.
- Joldyń ústine kúl tógýge tyıym salynady. Jolǵa kúl tókkenniń joly kesiledi, osy jolmen júrgenderge dert jabysady dep sengen.
- Kele jatqan kósh jolyn nemese kerýen jolyn kesip ótýge qatań tyıym salynady. Sebebi kóshtiń nemese kerýenniń joly kesiledi desedi.
- Jolda kezdesken adamnan «qaıda barasyń?» dep suramaıdy.
- Attyly jolaýshy kelse, atyn qazyqqa baılap, sodan soń ǵana úıdiń aldyna kelip, úı ıelerimen sóılesedi. Eger asyqqan jolaýshy bolsa, attan túspesten, kıiz úıdiń syrtynan sóılesedi.
- Júrer joldyń ýaqytyn kesip aıtýǵa bolmaıdy. Muny astamshyldyq nemese kúpirlik dep sanaıdy.
- Juma kúni kóshýge bolmaıdy. Juma - qasıetti kún. Bul kúni ata-baba árýaqtary shańyraqqa kelip, duǵa dámetedi degen yrym bar.
- Alys jolǵa shyqqanda jolaýshylar qara shańyraqtan, ıaǵnı úlken kisiniń úıinen dám tatyp attanady.
