«Jetkizý tizbeginiń buzylýy, ınflıasııanyń ósýi jáne saýda-sattyqtaǵy shekteýler jahandyq ekonomıkanyń damýyna aıtarlyqtaı kedergi keltirip otyr. Osyǵan qaramastan, Qazaqstan syrtqy jaǵdaılarǵa sátti beıimdelip úlgerdi dep senimdi túrde aıta alamyz. Tórt aıda ekonomıkanyń naqty ósimi 5 paıyzdy qurady. Bul buǵan deıin boljanǵan ortasha álemdik kórsetkishten úsh ese kóp. Ekonomıkamyzdyń barlyq negizgi sektorynda oń dınamıka baıqalady», dedi Memleket basshysy.
Sonymen qatar Prezıdent byltyr shetelden 28 mıllıard dollar kóleminde ınvestısııa tartqanyn jáne bul rekordtyq kórsetkish ekenin aıtty. Ol sondaı-aq sheteldik ınvestorlardyń shıkizattyq emes sektorǵa aıryqsha qyzyǵýshylyq tanytqanyn eskerdi. Memleket basshysy Halyqaralyq reıtıng agenttikteri de Qazaqstannyń ınvestısııalyq áleýetin rastaǵanyn aıtyp ótti.
«Búkil álemde proteksıonızmniń beleń alýyna qaramastan, ashyq naryqtyq ekonomıkasy bar el retinde óz pozısııamyzdy nyǵaıta tústik. Syrtqy saýda aınalymy 32 paıyzǵa ósip,134 mıllıard dollarǵa jetti», dedi Qasym-Jomart Toqaev.
