Iýrıı Ilın 2020 jylǵy 11 qyrkúıektegi QR Prezıdentiniń Jarlyǵymen Qazaqstan Respýblıkasynyń Tótenshe jaǵdaılar mınıstri bolyp taǵaıyndalǵan edi.
Iýrıı Ilın Tótenshe jaǵdaılar mınıstri bolǵan kezde oryn alǵan órt jaǵdaılaryna qysqasha toqtalyp ótsek.
2020 jyly aptap ystyqtan Qostanaı, Pavlodar oblystarynda 2 orman órti jáne Aqtóbe, Shyǵys Qazaqstan, Qaraǵandy oblystarynda iri órt bolǵan edi. Atalǵan óńirlerde dala órtiniń jalpy aýdany - 3537 gektar, onyń ishinde Aqtóbe oblysyndaǵy órt aýdany aıtarlyqtaı úlken - 2 000 gektar, Batys Qazaqstan oblysynda - 1 394 gektar jerdegi órt aýyzdyqtalǵan edi.
Al, 2021 jyly respýblıkada 12 256 órt oqıǵasy tirkeldi. О́rt saldarynan 413 adam qaza taýyp, taǵy 429 adam zardap shekken. О́rtten kelgen materıaldyq shyǵyn 9 mlrd 336 mln 665 myń teńgeni quraǵan.
2022 jyly Aqtóbe oblysynyń Áıteke bı aýdanynda, T.Júrgenov aýylynan 42 km qashyqtyqta qurǵaq shóp janyp, jalyn 500 gektar jerdi sharpyǵan edi. Keıinirek jalyn bıdaı alqabyna órship, shamamen 700 gektar jer janyp ketken edi.
Túrkistan oblysynyń Otyrar aýdanynda Sheńgeldi aýylynan 5 km jerde, «Túrkistan-Syrdarııa» óńirlik tabıǵı parkiniń Túrkistan fılıalynyń aýmaǵynda 10 gektar aýmaqta qurǵaq shóp órtendi.
Qaraǵandy oblysynyń Osakarov aýdanynda Kollektıvnoe aýylynan 10 km qashyqtyqta Qaraǵandy orman jáne janýarlar álemin qorǵaý sharýashylyǵynyń aýmaǵynda shaǵyn ormandar men qurǵaq shóp janyp, 60 gektar jer órtengen.
Shyǵys Qazaqstan oblysynyń Altaı aýdanynda Zyrıanov orman sharýashylyǵynyń aýmaǵynda qurǵaq shóp tutanyp, Novo-Polıakov jáne Katon-Qaraǵaı aýdandarynyń taýly aımaqtaryna jaıylǵan. О́rtengen aýmaqtyń kólemi 167 gektar boldy.
Al bıyl 2023 jyly 8 maýsymda «Semeı ormany» memlekettik orman tabıǵı rezervatynyń terrıtorııasyndaǵy Batpaev orman sharýashylyǵy aýmaǵynda órt tutanǵan. О́rtti joıý maqsatynda jedel shtab uıymdastyryldy. Qazirgi ýaqytta ormanshylyqtyń úsh qyzmetkeriniń denesi tabyldy, al 11 adammen baılanys joq. Olardy izdeý boıynsha is-sharalar júrgizilýde.
