Qoǵam • 10 Maýsym, 2023

Taılandqa qydyryp barǵan pavlodarlyq denge bezgegin juqtyryp alǵan

139 ret kórsetildi

37 jastaǵy pavlodarlyq azamat Taılandtan denge bezgegin juqtyryp kelgen. Er adamdy shetelde masa shaǵyp alǵan, dep habarlaıdy Egemen.kz Pavlodarnews.kz-ke silteme jasap.

Taılandqa qydyryp barǵan pavlodarlyq denge bezgegin juqtyryp alǵan

37 jastaǵy pavlodarlyq oblystyq aýrýhanaǵa 38 gradýsqa deıingi temperatýra, bórtpe, entigý, álsizdik, letargııa, baltyr bulshyqetiniń, býyndardyń aýyrsynýy sekildi shaǵymdarymen qaralǵan.

«Naýqas bir apta boıy úıinde aýyrǵan, ambýlatorııalyq kezeńde emdeý nátıje bermegen soń ınfeksııa bólimine júgindi. Tekserý kezinde ınfeksıonıst dárigerler árdaıym basqa elderge barǵan-barmaǵanyn suraıdy. Jigit osy jaqynda ǵana Taılandtan kelgen, ony jándik shaǵyp alypty. Er adam shuǵyl aýrýhanaǵa jatqyzyldy, klınıkalyq jáne aspaptyq zertteý jasaldy. Dıagnoz - denge bezgegi. Altynshy kúni pasıent aıyǵyp, úıine shyqty»,  dedi oblystyq densaýlyq saqtaý basqarmasy.

Vedomstvo Pavlodar oblystyq aýrýhanasynda naýqastardy tolyq tekserý jáne emdeýge qajet barlyq nárse bar ekenin, dárigerler únemi biliktiligin arttyratynyn, sheteldik nemese jergilikti ınfeksııalardyń kez kelgen túrine daıyn ekenin atap ótti.

«Denge - adamǵa masadan beriletin vırýstyq ınfeksııa. Tropıkalyq jáne sýbtropıkalyq klımaty bar aımaqtarda jıi kezdesedi. Qazaqstanda tek shetelden ákelingen jaǵdaılar tirkeledi, bul aýrý bizge tán emes. Adamnan adamǵa juqpaıdy. Biraq denge bezgegi qan ketip, shok týǵyzatyn, keıde ólimge aparyp soǵatyn gemorragııalyq qyzba týdyrýy múmkin», dedi densaýlyq saqtaý basqarmasy.