«Abaı oblysyndaǵy alapat órttiń saldary bárimizdiń qabyrǵamyzdy qaıystyryp ketti. Qaza tapqan ormanshylardyń otbasy men jaqyndaryna qaıǵylaryna ortaqtasyp, kóńil aıtamyz.
Buǵan deıin Memleket basshysy Qasym-Jomart Kemeluly Toqaev órtti sóndirý jáne apat aýqymynyń keńeıýine jol bermeý úshin tıisti organdarǵa tapsyrma berdi. Búgin Prezıdentimiz Abaı oblysyna arnaıy baryp, osy baǵyttaǵy jumystarmen tanysty jáne qaza tapqan orman sharýashylyǵy qyzmetkerleriniń otbasy múshelerimen kezdesti», dep jazdy Senat Tóraǵasy.
Sonymen qatar Máýlen Áshimbaev jaǵdaıdyń turaqtalyp kele jatqanyn tilge tıek etti. Kóp uzamaı apat tolyǵymen aýyzdyqtalyp, saldary joıylatyndyǵyna senim bildirdi.
Sondaı-aq tilsiz jaýmen kúresip jankeshtilik tanytyp júrgen órt sóndirýshilerge jáne belsendi azamattarǵa alǵysyn bildirdi.
«Endi eshqashan mundaı tótenshe oqıǵa qaıtalanbasyn», dep jazbasyn aıaqtady Máýlen Áshimbaev.
