Mamannyń aıtýynsha, Qurlyq əskerleri qarý jaraq pen əskerı tehnıkanyń, joǵary dəldiktegi qarýdyń, baılanys, barlaý jəne avtomattandyrylǵan basqarý júıeleriniń zamanaýı úlgilerimen jabdyqtalǵan. Təjirıbe júzinde óziniń tıimdiligin kórsetken dəldigi joǵary júıeler men qarý-jaraqtardyń əleýeti eskerile otyryp, sońǵy úlgidegi tehnıkamen jaraqtandyrý jumystary josparly túrde júzege asyrylyp jatyr.
Alaıda Talǵat Qoıbaqov áskerdi qarýmen jabdyqtaýmen qatar ony is júzinde qoldaný pármenin de nazarǵa aldy. Soǵan oraı jaýyngerlerdiń qarý-jaraqty shynaıy jaǵdaıda qoldaný qabiletin arttyrý maqsatynda oqý-jattyǵý jıyndary júıeli túrde ótkizilip keledi. Qazir qysqy oqý kezeńi aıaqtaldy. Jyl mezgilderi boıynsha ərbir kezeńniń óz ereksheligi bar ekendigi de eskeriledi. Bul jattyǵýlardyń negizgi maqsaty – gıbrıdti qaýip-qater jaǵdaıynda əreket etý, túrli proksı-kúshterge qarsy árdaıym daıyn bolý.
Suhbat sońynda general-leıtenant əsker daıyndyǵy – úzdiksiz júrgiziletin úrdis ekenin eske saldy. Onyń aıtýynsha, on nemese bes jyl burynǵy daǵdylar men ádis-tásilder búgingi qaterlerdiń aldynda qaýqarsyz bolyp qalýy múmkin. Osy tusta maqala avtory Qazaqstan Qarýly Kúshteriniń kúsh-qýatyn arttyrý maqsatynda jaýyngerlerdi eń tıimdi ári zamanaýı qarý-jaraqpen qamtamasyz etý - kún tərtibinen túspeıtin mindet ekenin alǵa tartyp otyr.
Suhbattyń tolyq nusqasyn Eskendir Zulqarnaıdyń «Ásker daıyndyǵy - úzdiksiz júretin úrdis» maqalasynan oqı alasyzdar. Aıta ketsek, bul maqala «Egemen Qazaqstan» gazetiniń №109 (30588) sanynda jarııalanǵan.
