Máselen, 2018 jyldyń 21 mamyrynda bolǵan órttiń aýmaǵy 300 gektardan asqan. Sol ýaqytta bul 15 jyl ishinde bolǵan eń iri apat retinde tirkelgen. О́rt saldarynan 20 adam kóz jumyp, 2,3 myńǵa jýyq mal qyryldy. 300 órt sóndirýshi men ormanshy jalynmen birneshe kún boıy kúresken. Janyp turǵan ormanǵa 25 tonna sý tógildi.
Keıin tergeý jumystary júrgizilip, bul qasaqana uıymdastyrylǵan órt ekeni anyqtaldy. Nátıjesinde memleketke 78 mln teńge kóleminde shyǵyn kelgen.
Eske sala ketsek, 2020 jyly «Semeı ormany» rezervatynda eki iri órt bolǵan. Sáýir aıyndaǵy órt naızaǵaı jarqylynan shyǵyp, úlken aýmaqqa tarap ketken. О́rtengen aýmaqtyń aýdany shamamen 6 000 gektardy qurady. Al odan keıingi órt 4 000 gektarǵa jýyq aýmaqqa taraǵan.
Bıylǵy jyldyń mamyr aıynda Abaı oblysynyń úsh aýdanynda órt bolǵan. Reseı aýmaǵynan shyqqan órt «Semeı ormany» tabıǵı rezervatyna da tarap ketkeni belgili boldy. Sol kezde órt aýmaǵy 3 500 gektarǵa teń edi. Biraq ekpini 6-10 m/s bolǵan jeldiń kesirinen órtti oqshaýlaý qıynǵa tústi.
8 maýsymda Abaı oblysynda el tarıhyndaǵy eń alpaýyt órt oryn aldy. 9 maýsymda onyń aýmaǵy 60 myń gektarǵa deıin ulǵaıdy. Nátıjesinde orman sharýashylyǵynyń 14 qyzmetkeri qaıǵyly jaǵdaıda kóz jumdy. Osyǵan baılanysty Semeı qalasynda tótenshe jaǵdaı jarııalandy.
Memleket basshysy Qasym-Jomart Toqaevtyń jarlyǵymen 12 maýsym – jalpyulttyq aza tutý kúni bolyp jarııalandy.
Jyl basynan beri el aýmaǵynda 146 orman órti tirkelgen. Qyzyl jalyn 24 myńǵa jýyq gektardy sharpyǵan. Jalpy shyǵyn 66 mıllıon teńgeni quraıdy.
Al ótken jyly Qazaqstanda 801 orman órti tirkelgen. Saldarynan orman qorynyń 104 myń gektary joıyldy. Mundaǵy shyǵyn 20 mıllıard teńgeden asty. Aıta ketsek, eń aýqymdy órt Qostanaı oblysynyń Áýlıekól aýdanynda bolǵan. Basaman jáne Semıozernyı orman sharýashylyǵynda 91 turǵyn úı órtenip, bir adam qaıtys bolǵan. Shyǵyn kólemi – 18 mıllıard teńge. О́rttiń jalpy aýmaǵy 43 myń gektardan asqan. Bul orman sharýashyǵynyń úshten bir bóligi janyp ketkenin bildiredi.
2021 jylǵy kórsetkishke toqtalatyn bolsaq, 712 orman órti tirkelgen. 148 myń gektar alqap tutastaı janyp ketken. Memleketke 4,6 mıllıard teńge kóleminde shyǵyn kelgen. Shyǵys Qazaqstan oblysy Rıdder qalasy mańyndaǵy orman órtinen 35 úı men 9 sharýashylyq qurylysy joıylǵan edi. Qyzyl jalyn sharpyǵan aýmaq 310 myń gektardy qurady.
