Abaı oblysy aýmaǵynda tórtinshi kúnge sozylǵan órtti sóndirýge Semeı qalasynan 125 erikti kómek kórsetip júr.
Eriktiler kún saıyn órt sóndirýshilerge barynsha qoldaý berip, azyq-túlik, jeke gıgıena zattaryn ákelip jatyr, sondaı-aq túngi ýaqytta tamaqtaný pýnktterinde kezekshilikte kómekterin kórsetip júr.
Ozerkı aýyldyq okrýginde eriktiler dala ashanasyn uıymdastyrdy, onda órt sóndirýge qatysýshylardy 3 ret ystyq tamaqpen qamtamasyz etedi.
Sondaı-aq Ozerkı aýylynyń mektebinde eriktiler demalys oryndaryn daıyndady.
Qazaqstannyń isker áıelder qaýymdastyǵynyń óńirlik músheleri 2 100 000 teńge qarajat jınady. Qazirgi ýaqytta 1 000 000 teńgege birinshi qajettiliktegi zattar men azyq-túlik satyp alyndy.
Barlyǵy 5 tonna azyq-túlik, onyń ishinde sý, suıyq maı, ystyq tamaq, jemis-jıdek, sút ónimderi jetkizildi.
