2020 jylǵy 20 qazandaǵy №140/2020 buıryqqa sáıkes reanımasııa bóliminde gemotransfýzııa alǵan pasıentter 30 kúnnen keıin AITV-ınfeksııasyna baqylaý taldaýynan ótýge mindetti. Almaty qalasyndaǵy JITS ortalyǵynyń mamandary Ortalyq qalalyq klınıkalyq aýrýhanasynda AITV ınfeksııasyn juqtyrǵan úsh naýqasty anyqtady.
Anyqtalǵan faktiler negizinde Qoǵamdyq densaýlyq saqtaý basqarmasynyń buıryǵymen 2023 jyldyń 2 maýsymynda DDU basshysynyń orynbasary men qalalyq JITS ortalyǵy qyzmetkerleriniń tóraǵalyǵymen arnaıy komıssııa quryldy. Komıssııa AITV-ınfeksııasynyń taralý kózderin anyqtaý boıynsha ishki tergeý júrgizdi, donorlar, medısına qyzmetkerleri men naýqastarmen baılanysta bolǵan adamdar tekserildi.
QR Densaýlyq saqtaý mınıstrliginiń 26.10.2020 j. №153 buıryǵy negizinde Qoǵamdyq densaýlyq saqtaý basqarmasy osy jyldyń 13 maýsymynda komıssııanyń qorytyndysyn Almaty qalasynyń sanıtarlyq-epıdemıologııalyq baqylaý departamentine berdi. 2023 jyldyń 14 maýsymynda DSEG QR DSM Qazaq dermatologııa jáne juqpaly aýrýlar ǵylymı ortalyǵynyń mamandaryn tarta otyryp, OQKB-ny jospardan tys tekserýge bastamashy boldy.
Tekserý nátıjeleri boıynsha ýákiletti organdar tıisti sharalar qabyldaıtyny qosa habarlandy.
