Májilis tóraǵasy Erlan Qoshanov bul zańnyń maqsaty tek zańsyz aktıvterdi qaıtarý ekenin aıtyp, oǵan qatysty túsinikteme berdi.
«Memlekettegi eń ózekti bolyp turǵan másele – kezinde jymqyrylǵan deımiz be, zańsyz shyǵarylǵan deımiz be, sol kleptokrattyń shyǵarǵan qyrýar qarjysyn elge qaıtarý. Ol qandaı jolmen qaıtarylady? Osy másele osy zańda qarastyrylǵan. Bul jerde múmkin burynǵy standarttarǵa kelmeıtin tustar da bar shyǵar. Sebebi bul jaǵdaıdyń ózi de standartqa saı jaǵdaı emes, shynyn aıtsaq. Sondyqtan bul zań, birinshi kezekte neni retteıdi? Bizdiń shetelge shyǵaryp ketken iri kleptokrattardyń qarjylaryn elge qaıtarýdy retteıdi. Birinshiden, osy zań boıynsha reestr qurylady. Sol reestrde ózińiz aıtqan azamattardyń tizimi jasalady. Ekinshiden, ol azamattar ol qarjyny óz erkimen qaıtaramyz deıtin bolsa, qylmystyq jaýapkershilikten bosatylady. Bizde búgin birinshi kezektegi másele – qarjyny qaıtarý», dedi Erlan Qoshanov.
