Bıylǵy jyldyń 23 qańtarynan bastap elimizde sheteldik kólikterdi zańdastyrý júrip jatyr. 16 maýsymdaǵy jaǵdaı boıynsha 161 myńnan astam kólik zańdastyryldy, taǵy 13 myńnan astamy tirkeýdi kútip tur. Sondaı-aq 22 mamyrdan bastap 7 myńǵa jýyq avtokólik-konstrýktor qazaqstandyq esepke qoıyldy.
«О́zderińiz bilesizder, zańdastyrýdyń aıaqtalýyna eki apta qaldy (ıaǵnı, 1 shildege deıin). Qazir kóptegen azamattar kólikterin zańdastyrýǵa úlgermeı qalýy múmkin dep qaýiptenedi. Degenmen men mynany aıtqym keledi. Bıylǵy jyldyń 1 shildesine deıin ótinish bergen barlyq Qazaqstan azamattaryna kórsetilgen merzimnen keıin avtokólikterdi zańdastyrý quqyǵy beriletinin habarlaımyz», dedi QR IIM ÁPK tóraǵasy Qaısar Sultanbaev.
Sonymen qatar Eýrazııalyq ekonomıkalyq odaq elderinde burynǵy tirkelgen jeri boıynsha esepten shyǵarylmaǵan jáne osy sebepti zańdastyrylmaǵan avtokólikterge keletin bolsaq, atalǵan kólik ıelerine olardy Qazaqstan Respýblıkasynda 5 jyl merzimge ýaqytsha esepke qoıý quqyǵy beriledi.
«Bıylǵy jyldyń 1 shildesinen bastap zańdastyrýǵa ótinishterdi qabyldaý toqtatylady. Zańdastyrý merzimi uzartylmaıtynyn esterińizge salamyz. Al, Qazaqstan Respýblıkasynyń zańnamasyn buza otyryp, shetelde tirkelgen avtokólikterdi basqarýdy jalǵastyratyn azamattar bolsa, olarǵa qatysty tıisti sharalar qoldanylady», dedi Q.Sultanbaev.
