Elordadaǵy Baıqońyr aýdany №2 sotynda Ulttyq mýzeıdiń burynǵy dırektory Arystanbek Muhamedıulyna qatysty úkim shyqty. Ol 8 jylǵa sottaldy.
Arystanbek Muhamedıuly burynǵy orynbasary Almaz Nurazhan men taǵy eki aıyptalýshy Azamat Kóshenov pen Aıym Sádýaqasova «Altyn adam sherýi» kórmesin ótkizýge bólingen 221 mıllıon 411 myń 730 teńge qarjy jymqyrdy degen aıyppen sottaldy.
Eske sala keteıik, Arystanbek Muhamedıulynyń isi boıynsha negizgi sot otyrysy 17 sáýirde Astanadaǵy Baıqońyr aýdanynyń №2 sotynda bastalǵan bolatyn. 5 maýsymda Sybaılas jemqorlyqqa qarsy qyzmet Arystanbek Muhamedıulyna qatysty «Antıkor» qyzmetkerlerine jala jabý faktisi boıynsha sotqa deıingi tergep-tekserýdi bastaıtynyn málimdedi.
12 maýsymda ótken sot otyrysynda aıyptaýshy tarap Arystanbek Muhamedıulyn 9 jylǵa bas bostandyǵynan aıyrýdy suraǵan edi.
