Respýblıkanyń barlyq derlik aýmaǵy áli de atmosferalyq frontaldy ýchaskelerdiń yqpalynda bolady. Soǵan baılanysty naızaǵaı oınap, jańbyr jaýady. Tek respýblıkanyń ońtústik-batysynda jáne ońtústiginde aýa raıy jaýyn-shashynsyz bolady.
«Respýblıkanyń basym bóliginde jel kúsheıip, burshaq jaýady, ońtústik-batysynda — shańdy daýyl turady, Soltústik Qazaqstan oblysynda túnde jáne tańerteń tuman túsedi», dep habarlady sınoptıkter.
Astanada – kóshpeli bult shyǵady, kúndiz aýyq-aýyq jańbyr jaýady, naızaǵaı oınaıdy. Soltústik-batystan soǵatyn jel soltústik-shyǵysqa aýysady, túnde 2-7, kúndiz 9-14 m/s bolady. Aýa temperatýrasy túnde +6+8°S, kúndiz +19+21°S.
Almatyda – kóshpeli bult shyǵady, ótkinshi jańbyr jaýady, naızaǵaı oınaıdy. Soltústik-batystan 3-8 jel soǵady, naızaǵaıdyń ekpini 13 m/s. Aýa temperatýrasy túnde +16+18°S, kúndiz +29+31°S.
Shymkentte – kóshpeli bult shyǵady, jaýyn-shashynsyz. Soltústik-batystan 8-13 m/s jel soǵady. Aýa temperatýrasy túnde +18+20°S, kúndiz +32+34°S.
