Mereıtoıǵa arnalǵan jıyn aqynnyń týǵan jeri Soltústik Qazaqstan oblysy Sarytomar aýylynda ótti.
Erlan Qoshanov aqynnyń jerlesterin mereıtoımen quttyqtap, Memleket basshysynyń quttyqtaý hatyn oqyp berdi.
«Maǵjan Jumabaev – qazaqtyń ǵana emes, tutas túrki jurtynyń maqtanyshy. Aqynnyń Otanǵa degen sheksiz súıispenshilikke toly jyrlary halqymyzdyń júregine jol taýyp, rýhanııatymyzdyń altyn qoryna endi. Men Túrkistanda ótken Ulttyq quryltaıda jastardyń boıyna izgi qasıetterdi sińirý qajettigine erekshe toqtaldym. Bul ultymyzdyń jańa sapasyn qalyptastyrý úshin óte mańyzdy. Osy oraıda Maǵjandy taný, Maǵjandy tanytý – tárbıelik ári taǵylymdyq máni bar másele», delingen Prezıdent quttyqtaýynda.
Mereke aıasynda oblysta halyqaralyq aqyndar aıtysynyń fınaly, at sporty men qazaqsha kúresten jarys ótti.
