Zań Senat otyrysynda qaralyp, birinshi oqylymda maquldandy.
Zań qoldanystaǵy normatıvtik quqyqtyq bazany jetildirýge jáne jekelegen zańnamalyq aktilerdi negizgi «Onlaın-platformalar jáne onlaın-jarnama týraly» Qazaqstan Respýblıkasy Zańynyń erejelerine sáıkes keltirýge baǵyttalǵan.
Osy oraıda Aqparat jáne qoǵamdyq damý mınıstri qabyldanǵan zań jobasyna qatysty pikir bildirdi.
- «Onlaın-platformalar jáne onlaın jarnamalar týraly» zań Ortalyq Azııada alǵash ret qabyldanyp otyr. Jalpy, bul zań jobasy birinshi kezekte azamattardyń quqyǵyn qorǵaýǵa, onlaın-ortany qaýipsiz jáne ashyq túrde damytýǵa baǵyttalǵan. Búgingi tańda barlyq onlaın platformalar ınterfeısti qazaq tilinde paıdalanýǵa múmkindik bermeıdi. Zań jobasy aıasyndaǵy basty másele – memlekettik tildegi onlaın-platformalar ınterfeısin damytý. Jarnamalyq mazmundy ornalastyratyn paıdalanýshylardyń jarnamany tańbalaý (arnaıy belgi qoıý) qajettiligine erekshe mán beriledi, - dep jazdy Darhan Qydyráli áleýmettik jeli paraqshasynda.
