«AMANAT» partııasynyń barlyq deńgeıdegi máslıhattar depýtattarynyń birinshi respýblıkalyq forýmynda UEM basshysy 2022 jyly júrgizilgen konstıtýsııalyq reformanyń nátıjesinde halyqtyń memleket qyzmetine qatysý tetikteri aıtarlyqtaı keńeıgenin atap ótti.
«Máslıhat depýtattarynyń mártebesi men derbestigin arttyrý úshin máslıhat hatshysynyń laýazymy máslıhat tóraǵasy bolyp qaıta quryldy, turaqty komıssııalar tóraǵalarynyń eki laýazymy engizildi, sondaı-aq bıýdjet qarajaty esebinen máslıhat depýtattarynyń biliktiligin arttyrý kózdelgen», dedi mınıstr.
Ol sondaı-aq endi máslıhattar ákimderdiń halyqpen kezdesýi barysynda kóterilgen problemalardyń monıtorıngin júzege asyratynyn, ákimdikterdiń bıýdjettik komıssııalarynyń jumysyna qatysatynyn, qajet bolǵan jaǵdaıda bıýdjetti naqtylaýǵa bastama jasaý quqyǵyn beretinin naqtylady. Sonymen qatar Á.Qýantyrov forým qatysýshylaryna kelesi baǵyttar boıynsha júrgizilip jatqan jumystar týraly aıtyp berdi:
О́ńirlerdi damytý boıynsha
- Aýyldyq aýmaqtardy damytýdyń 2023-2027 jyldarǵa arnalǵan tujyrymdamasy qabyldandy • «Aýyl – el besigi» baǵdarlamasy boıynsha bıyl 800 aýylda 200 mlrd teńge somasyna 1,8 myń jobany iske asyrý josparlanyp otyr
- «Dıplommen aýylǵa» jobasy sheńberinde aldaǵy 3 jylǵa jalpy somasy 70 mlrd teńgege 13 myń mamandy áleýmettik qoldaý sharalaryn usyný josparlanýda • 2029 jylǵa deıin halyqtyń tabysyn arttyrý baǵdarlamasy ózektendirildi
- Mono jáne shaǵyn qalalardy damytý sheńberinde 74 jobany iske asyrýǵa 35 mlrd teńge bólinip, jyl saıyn soma 50 mlrd teńgege deıin ósedi.
Kásipkerlikti damytý boıynsha
«Qazirgi ýaqytta bıznesti qoldaý quraldary kózdelgen kásipkerlikti damytý ulttyq jobasy iske asyrylýda. О́tken jyly respýblıkalyq bıýdjetten 170 mlrd teńge bólindi», dedi UEM basshysy.
«Tarıfti ınvestısııaǵa aıyrbastaý» baǵdarlamasy boıynsha aǵymdaǵy jyly:
- 234 mlrd teńge ınvestısııa tartylady
- 5,8 myń shaqyrym ınjenerlik jelilerge jóndeý júrgizý josparlanýda
- 213 ótinim qaraldy
- Jeliler tozýynyń 2%-ǵa, apatty jaǵdaılardyń 5%-ǵa tómendeýi, jumysshylar jalaqysynyń 50% - dan 100% - ǵa deıin kóterilýi kútiledi
Bıýdjettik ortalyqsyzdandyrý boıynsha
- 2022 jyly jergilikti bıýdjetterdiń kiris bazasy birqatar tólemderdi jergilikti deńgeıge berý esebinen 81 mlrd teńgege ulǵaıtyldy
- Bıýdjettiń IV deńgeıine salyqtar men tólemderdiń 4 túrin berý josparlanǵan
- О́ńirlik standarttar júıesi engizildi
«Bıyl mınıstrliktiń aldynda jańa Salyq jáne Bıýdjet kodeksterin ázirleý mindeti tur. «Memlekettik-jekeshelik áriptestik týraly» jáne «Konsessııalar týraly» zańdardy biriktirý boıynsha jumystar júrgizilip jatyr», dep qorytyndylady vedomstvo basshysy.
