YQPALDASTYQQA YQYLASTY KEZDESÝLER

Keshe Premer-Mınıstr Kárim Másimov “International Gerald Tribu­ne” halyqaralyq bedeldi basylymy uıymdastyrǵan 4-shi Qazaq­stan­dyq ınvestısııalyq sammıt jumysy sheńberinde iri-iri halyqaralyq kompanııalardyń ókilderimen birqatar jumys babyndaǵy kezdesýler ótkizdi, dep habarlady Premer-Mınıstrdiń baspasóz qyzmeti. K.Másimovtiń “RBS” toby at­qa­rýshy jáne basqarýshy komıtetiniń múshesi Marko Madzshýchellı bas­ta­ǵan “Royal Bank of Scotland” ókil­derimen bolǵan kezdesýinde qarjy salasyndaǵy qyzmettestik másel­e­leri talqylandy. Qazaqstan Úkimeti basshysynyń Eýrazııa Qaıta qurý jáne damý bankiniń prezıdenti Tomas Mı­roý­men kezdesýi barysynda halyq­ara­lyq damý ınstıtýtynyń Qazaq­stan­men qyzmettestigin odan ári damytý josparlary áńgime boldy. Al K.Másimovtiń “Patentes Talgo S.L.” kompanııasynyń pre­zıdenti Karlos de Palasıomen, “Transmashholdıng” AAQ basshysy Andreı Bokarevpen, sondaı-aq “Alstom Transport” kompanııa­sy­nyń basshysy Fılıpp Mıllemen bolǵan kezdesýlerinde kólik má­shı­ne­lerin jasaý salasyndaǵy qyz­met­testikti damytý máseleleri tal­qylandy. “Kameko” korporasııasynyń bas dırektory Djerald Ýeınmen kezdesý barysynda atom ónerkásibi salasyndaǵy strategııalyq árip­tes­tik máseleleri áńgime arqaýyna aınaldy. Premer-Mınıstrdiń “HSBC Bank Pls” halyqaralyq bank to­by­nyń bas basqarýshysy Zarır Kama­men jáne “JP Norgan” ınvestı­sııalyq bankiniń dırektorlar keńesi tóraǵasynyń orynbasary Robın Renvıkpen kezdesýi kezinde qarjy salasyndaǵy qyzmettestikti odan ári damyta túsý taqyryby sóz boldy. Kárim Másimovtiń “LÝKOIL Oversız Holdıng Ltd” prezıdenti Andreı Kýznesovpen, “Ekson­Mobıl” korporasııasynyń aǵa vıse-prezıdenti Mark Alberspen, “Shell” kompanııasynyń atqarý komıtetiniń múshesi, jobalar men tehnologııalar jónindegi atqarýshy dırektory Matıas Bıhselmen, “KonokoFıllıps” kompanııa­sy­nyń prezıdenti jáne  bas ope­ra­sııalyq dırektory Djon Kerrıg­pen, sol sııaqty “Total” kom­pa­nııasynyń atqarýshy vıse-prezıdenti Iv-Lýı Darrıkarermen bol­ǵan jekelegen kezdesýleri bary­syn­da ulttyq ekonomıkanyń ener­getıkalyq sektoryndaǵy qyzmet­testik máseleleri talqylandy. Qazaqstan Úkimeti basshysynyń ıtalııalyq “Fınmekkanıka” má­shı­ne jasaý kompanııasynyń tór­aǵasy jáne bas atqarýshy dırek­tory Per Franchesko Gýargalını­men aradaǵy kezdesýinde osy el kom­panııasy qyzmetiniń perspek­tıvalary áńgime ózegine aınaldy. “Kredıt Sýıss” banktiń Or­ta­lyq jáne Shyǵys Eýropa, burynǵy Keńes Odaǵy, Izraıl jáne Túr­kııa elderi boıynsha ınvestı­sııa­lyq-banktik qyzmet jónindegi bas dırektory Vadım Benıatovpen Qazaqstan Respýblıkasyn Údemeli ındýstrııalyq-ınnovasııalyq da­my­tý jónindegi memlekettik baǵ­darlama sheńberindegi qyzmettestik máseleleri talqylandy. Al eldiń telekommýnısııalyq rynogyn damytý múmkindikteri K.Másimovtiń “TeliaSonera” kom­panııasynyń bas atqarýshy dırek­tory Lars Nıbergpen aradaǵy áńgime taqyrybyna aınaldy.