Pavlodar qalasynyń qylmystyq ister boıynsha №2 soty «Qazposhta» AQ oblystyq fılıaly dırektorynyń orynbasaryna qatysty úkim shyǵardy. Oǵan iri kólemde para aldy (QK 366-baby, 2-bólimi) degen aıyp taǵyldy.
Bıyl qańtarda «Qazposhta» AQ Pavlodar oblystyq fılıaly dırektorynyń óndiris boıynsha orynbasary J. zańsyz baıý maqsatynda merdiger kompanııa ókiline «Qazposhta» AQ FPB avtokólik basqarmasynyń aýmaǵynda avtomobıl boksynyń shatyryn jóndeý jumysyn kedergisiz qabyldaý úshin aqshalaı syıaqy berýdi usynǵan. Sodan keıin J. 2 000 000 teńge para alyp jatqan jerinen ustaldy.
Prokýror J.-ny 4 jyl 6 aı bas bostandyǵynan aıyrýdy surady. Qorǵaýshy jeńildetetin jaǵdaılardy eskerýdi ótindi. Sottalýshy kinásin moıyndaǵan joq, aqtaýdy surady.
Zańda qylmysty aıyppul nemese bas bostandyǵynan aıyrý syndy jazanyń balama túrlerimen óteý de qarastyrylǵan.
Kinásin jeńildetetin jaǵdaılardy eskerip, kishkentaı balalary bar ekenin, 3 toptaǵy múgedektigin, qylmystyq quqyqbuzýshylyqpen birinshi ret aıyptalǵanyn eskere otyryp sot J.-ny 3 jylǵa bas bostandyǵynan aıyrdy.
Sonymen qatar sottalǵan azamat ómir boıy memlekettik qyzmet, sot, jergilikti ózin-ózi basqarý mekemeleri jáne t.b. qyzmet isteý quqynan aıyryldy.
Úkim zańdy kúshine engen joq.
