Jarystyń ashylý saltanatynda Mádenıet jáne sport mınıstri Ashat Oralov, Almaty oblysynyń ákimi Marat Sultanǵazıev, oblystyq dene shynyqtyrý jáne sport basqarmasynyń basshysy Nurbaqyt Teńizbaev, Olımpıada chempıony Dmıtrıı Balandın jarysqa qatysýshylardy merekemen quttyqtap, úzdik óner kórsetýlerine tilektestikterin bildirdi.
– Bul halyqaralyq jarys elimizde osymen ekinshi ret ótkizilip otyr. Byltyr Qapshaǵaı jaǵalaýynda 3 myń qonaq jınalyp, dúbirli doda ótken edi. Aty álemge áıgili Oceanman saıysy 15 memlekette, atap aıtsaq, Ispanııa, Italııa, Gresııa, Meksıka, Reseı, Malaızııa, Shveısarııa, Ýkraına, Arab Birikken Ámirligi, Kolýmbııa, Túrkııa, Kıpr, Fransııa, Rýmynııa, Taılandta turaqty ótkiziletindigin atap aıta ketken jón. Elimizde ótip jatqan bıylǵy sharaǵa qatysýshylarǵa ystyq yqylasymyzdy bildiremiz. «Oceanman Kazakhstan» syndy bedeldi jarysty jańadan gúldenip kele jatqan Qonaev qalasynda ótkizý biz úshin úlken mártebe.
Almaty oblysy Qazaqstandaǵy sporttyq belsendi aımaq dep aıtýǵa tolyq negiz bar. 2022 jyly óńirimizde 500-den asa halyqaralyq jáne respýblıkalyq deńgeıde sporttyq shara ótkizilgen. Sporttyq saıystardyń týrızm damýyna qosar úlesi zor. Jaǵajaı jáne sý sporty túrleriniń astanasyna aınalýdy kózdeıtin Qonaev qalasy men Almaty oblysy jaıynda kóptegen sheteldikter qyzyǵýshylyq tanytyp, osy shuraıly mekenge saıahattaýyna sebep bolýda, dedi jarystyń ashylý saltanatynda sóz alǵan óńir basshysy Marat Eleýsizuly.
Bıyl halyqaralyq jarystyń geografııasy keńeıdi. Bedeldi básekege 7 men 70 jas aralaǵyndaǵy 8 jas dárejesindegi sportshylar qatysýda. Olardyń qatarynda Reseı, Qyrǵyzstan, Italııa, О́zbekstan, AQSh, Ispanııa, Grýzııa, Izraıl, Úndistan, BAÁ, Belarýs, Kolýmbııa, Germanııa, Saýd Arabııasy, Ýkraına, Pákistan, Katar, Rýmynııa, Taıland jáne Qazaqstan bar, barlyǵy 1 800 adamnan astam sýda júzý sheberleri baq synasty.
Oceanman – bul álemniń túkpir-túkpirinde jylyna birneshe ret ótetin týrnır. Onyń tusaýy 2015 jyly Ispanııada kesilgen. Odan keıin álemniń eń kórikti jerlerinde jalǵasyp keledi.
Almaty oblysy
