О́ńirlik kommýnıkasııalar qyzmetiniń málimetinshe, apat kezinde shamamen 20-21 tonna kúkirt qyshqyly tógilgen. Oqıǵa ornyna aýdan ákimi men ýákiletti organdardan qurylǵan komıssııa bardy.
Shyǵys Qazaqstan oblysy DSEK Kúrshim aýdandyq sanıtarlyq-epıdemıologııalyq baqylaý basqarmasy búgin, 10 shildede 23 tonna kúkirt qyshqyly tıelgen avtosısterna aýdarylyp ketken jerde qazý jumystaryn merdiger «Hım Transservıs» JShS júrgizetinin málimdedi.
Qosymsha toksıkologııalyq zertteýler júrgizý maqsatynda bulaqtan eki sý synamasy alyndy.
Aýdan ákimdiginiń habarlaýynsha, oqıǵa ornynan 30 metr jerde qurǵaq bulaq, 5 shaqyrym jerde bulaq bar. Ol eldi mekenderden shalǵaı ornalasqandyqtan, turǵyndar bul sýdy tutynbaıdy.
«Topyraqqa kúkirt qyshqylynyń tógilý aýmaǵy 20-40 m shamasyndaı. Qalǵutyn aýyldyq okrýginiń (Qaratoǵaı, Egindibulaq, Aqbulaq aýyldary) jergilikti turǵyndaryna habarlandyrý jiberildi», delingen ShQO RMK habarlamasynda.
