«Qazgıdromet» RMK usynǵan málimet boıynsha, búkil kezeń ishinde shyǵysta, 13 shildede ońtústikte, ońtústik-shyǵysta, Qazaqstannyń ortalyǵynda 45°S-qa deıin aptap ystyq bolady. Respýblıka boıynsha tótenshe órt qaýpi saqtalady.
«Kúndiz aýa temperatýrasy soltústikte jáne ortalyqta +30°S-qa deıin, ońtústik pen ońtústik-shyǵysta +30+37°S-qa deıin tómendeıdi, respýblıkanyń batysynda negizgi fon +25+35°S bolady», delingen habarlamada.
Boljam boıynsha, aldaǵy kúnderi elimizdiń basym bóliginde naızaǵaı oınap, ekpindi jel soǵyp, burshaq jaýýy múmkin.
«14-15 shildede soltústik-batysta, 15 shildede elimizdiń soltústiginde qatty jańbyr jaýady. Respýblıkanyń ońtústiginde, ońtústik-shyǵysynda jáne ońtústik-batysynda kún ashyq bolady», delingen «Qazgıdromet» RMK habarlamasynda.
