Fransııanyń taýly jáne kýrortty aımaǵy sanalatyn Le Je jáne Sen-Jerve-le-Ben qalalaryn jalǵaǵan 15-kezeńde nıderlandtyq Vaýt Pýls («Bahrain-Victorious») jeńiske jetti. 179 shaqyrymǵa sozylǵan taýly kezeńdi ol 4 saǵat 40 mınýt 45 sekýndta júrip ótti. Pýlstan eki mınýttan asa ýaqytqa qalyp qoıǵan belgııalyq Vaýt van Art («Jumbo-Visma») ekinshi, fransııalyq Mate Býrgodo («TotalEnergies») úshinshi orynǵa ıe boldy. Al «Astana» ókilderinen Alekseı Lýsenko men Harold Tehada márege 32 jáne 33-bolyp jetti.
Jalpy esepte «Týr de Franstyń» byltyrǵy jeńimpazy danııalyq Ionas Vıngegaard («Jumbo-Visma») kósh bastap tur. Ony osy jarystyń 2020 jáne 2021 jyldardaǵy úzdigi slovenııalyq Tadeı Pogachar («UAE Team Emirates») ókshelep keledi. «Astana» sapynan eń úzdik nátıje kolýmbııalyq Harold Tehadaǵa tıesili. Ol 28-orynǵa jaıǵasqan.
