Bir aptadan astam ýaqytqa sozylǵan iri órtter bolǵan Qostanaı oblysynyń Áýlıekól aýdanynda qaraǵaıly ormandardy tabıǵı qalpyna keltirý jumystary 2022 jyldyń kúzinde bastalǵan edi.
Jergilikti aqparat portalynyń habarlaýynsha, qaraǵaıdyń alǵashqy óskinderi jer betine endi ǵana shyqty.
«Egis alqaptary ylǵaldylyǵy joǵary, jazyq jerlerde ornalasady. Olar releftiń bıik aımaqtarynda áli joq, bul tabıǵı, bul jerdegi topyraq qurǵaq, (órkender) sál keıinirek shyǵady», dedi «Respýblıkalyq orman seleksııalyq tuqym ortalyǵy» memlekettik kásipornynyń ınjener-orman patology Vıtalıı Vagner.
Mamandar kóp uzamaı órtengen ormannyń basqa jerlerinde qaraǵaılar paıda bolatynyna senimdi. Endi mundaǵy ormanshylardyń mindeti – jas óskinderdi ajaldan arashalap, ormandy saqtap qalý.
Eske sala ketsek, iri órt 2 qyrkúıekte Basaman jáne Semıozernyı orman sharýashylyǵy bólimderiniń aýmaǵynda bastalǵan. 3 qyrkúıekte órtke baılanysty Áýlıekól aýdanyndaǵy birneshe aýyldyń turǵyndary qaýipsiz jerge kóshirildi. 10 qyrkúıekte órttiń tolyq sóndirilgeni belgili boldy. Osy ýaqyt ishinde jalyn 43 myń gektar ormandy joıdy.
О́rt oshaqtaryna jas aǵashtar otyrǵyzylǵan edi, biraq osy jyldyń maýsym aıynda egilgen qaraǵaılardyń qýrap jatqany belgili boldy.
