Saǵat 16:45-te qutqarý qyzmetine Áıteke bı aýdany Araltoǵaı aýylynan 3 shaqyrym qashyqtyqta jatqan Yrǵyz ózenine 3 jasóspirim qyzdyń sýǵa batyp ketkeni týraly habarlama kelip túsken. Olar tyıym salynǵan jerde shomylǵan.
2007 jáne 2011 jylǵy qyzdardyń denesin oqıǵa ornynda kýágerler sýdan alyp shyqqan. Al 2013 jyly týǵan qyzdyń denesin jedel qutqarý jasaǵynyń qutqarýshylary saǵat 21:32-de jaǵadan 10 metr qashyqtyqta 6 metr tereńdikten shyǵarǵan.
«Aldyn-ala boljam boıynsha, 2007, 2011 jáne 2013 jyly týǵan 3 qyzdyń ekeýi – Áıteke bı aýdanynyń turǵyndary, úshinshisi Yrǵyz aýdanynan sol aýylǵa qonaqqa barǵan. Sýǵa shomylý kezinde bir qyz balanyń anasy olardyń janynda bolǵan», dep habarlady Aqtóbe oblysynyń tótenshe jaǵdaılar departamenti.
