Foto: Aqtóbe oblysy ákimdiginiń baspasóz qyzmeti
Aqtóbede Ábish Kekilbaıuly atyndaǵy №72 IT mektep-lıseıinde pılottyq rejımde balalar men pedagogterge arnalǵan mektepke bıometrııa arqyly kirý engizildi. Bul jóninde Halyq Uni saıty habar taratty.
Joba elimizde alǵash ret iske asyryldy. Alaqan Mektep júıesi ıdentıfıkator retinde alaqan tamyrlarynyń bıometrııasyna negizdelgen, ol saýsaq izimen salystyrǵanda kúrdelirek jáne ózindik erekshelikteri bar.
Oblys ákimi Eraly Toǵjanov júıeniń jumys isteý barysymen jáne onyń artyqshylyqtarymen tanysty. Mektep-lıseı ókilderiniń aıtýynsha, Alaqan Mektep – bilim berý uıymdarynda qaýipsizdikti qamtamasyz etetin jáne oqý prosesin sıfrlandyrýǵa múmkindik beretin biryńǵaı ekojúıe.
Oqýshylar alaqandy sensorǵa qoıý arqyly kitaphanadan kitaptar alyp-tapsyra alady jáne ashanada tólem jasaı alady. Al ata-analar balalarynyń mektepten kelý-ketý ýaqytyn bile alady, sonymen qatar mobıldi qosymsha arqyly balalarynyń ashanadaǵy máziri men shyǵyndaryn baqylaı alady.
Sondaı-aq Alaqan Mektep kómegimen kitaphana jumysyn avtomattandyrý arqyly onyń qyzmetin jańa deńgeıge shyǵarýǵa, soǵan qosa mektepter arasyndaǵy kitaptar qozǵalysynyń prosesterin sıfrlandyra otyryp, óńirdegi barlyq mektepterdiń biryńǵaı kitap qoryn qurýǵa múmkindik beredi.
«Qolaıly jáne qaýipsiz ortany qalyptastyrý bilim berý nysandarynda basym mindetterdiń qatarynda. Jobanyń tıimdi júzege asýy nátıjesinde onyń aýqymyn keńeıtý máselesi qarastyrylady», dedi oblys ákimi.
